Melkahka kan
Ong sounpihtih keseng; ong ngilen keseng “Komw Dehr Ketin Kamwomwala.” En Depit melkahka. Mikdam.* Ni ahnsou me e tangasang Sohl tangolongala nan pwoaren paipo.+
57 Komw ketin kupwuramwahwih ie, Maing Koht, komw ketin kupwuramwahwih ie,
Pwe I kin diar wasahn ruk rehmwi,+
Oh I kin diar wasahn ruk pahn mwetehn omwi pehnpihr kan lao sohla kahpwal.+
2 I kin patohwan likweriong Koht Wasa Lapalahpie,
Koht mehlelo, me kin ketin kamwomwala kahpwal kan ong ie.
3 E pahn ketin kadarodo sawas sang nanleng oh doareiehla.+
E pahn ketin kapingada me kin peiong ie. (Selah)
Koht pahn ketin kasalehda sapwellime limpoak loalopwoat oh lelepek.+
4 Laion kan kin kapiliepene;+
I kin anahne wendi nanpwungen aramas akan me men kadalleiehla,
Me ngihrail kan rasehng ketieu oh arep kan
Oh lowarail kan rasehng kedlahs keng pwoat.+
5 Maing Koht, komw ketin kasalehda sapwellimomwi roson lapalap nanleng;
Sapwellimomwi lingan en kipehdi sampah pwon.+
Re weiradahr pwoahr ehu mwohi,
Ahpw pein irail me pwupwudiong loale.+ (Selah)
7 Maing Koht, ei mohngiong kin tengeteng,+
Ei mohngiong kin tengeteng.
I pahn koul oh keseng.
8 Ei lingan, pirida.
Keseng sahl oh pil kowe arp, pirida.
I pahn pangenda nin sohrahn.+
9 Maing Siohwa, I pahn kapinga komwi nanpwungen aramas akan;+
10 Pwe sapwellimomwi limpoak loalopwoat me laud, oh ile duwehte nanleng,+
Oh sapwellimomwi lelepek kin leldawohng pahnlahng.
11 Maing Koht, komw ketin kasalehda sapwellimomwi roson lapalap nanleng;
Sapwellimomwi lingan en kipehdi sampah pwon.+