Melkahka kan
Ong sounpihtih keseng. En Depit melkahka. Koul pwoat.
68 Koht en ketida, sapwellime imwintihti kan en tangpeseng,
Oh irail akan me kin kailongki ih en tangasang mwohn silangi.+
2 Komw ketin kasareirailla duwehte kisinieng eh kin ipirala ediniei;
Duwehte kirihs eh kin peipeseng mwohn kisiniei,
Ih pil duwen aramas suwed eh pahn sohrasang mwohn silangin Koht.+
3 Ahpw aramas pwung kan en perenda;+
Ren uhdahn perenda mwohn silangin Koht;
Ren ngisingiski ar peren.
4 Kumwail kouliong Koht; koulki kaping kan* ong mware.+
Kumwail kouliong Ih me kin kotekotehwei nan sapwtehn.*
Iah* iei mware!+ Kumwail pereperen mwohn silangi!
5 Semen me sepwoupwou kan oh sounperehpen* liohdi kan+
Iei Koht me kin ketiket nan sapwellime wasahn kousoan sarawi.+
6 Koht kin ketikihong irail akan me kelekelehpw ihmw ren kousoan loale;+
E kin ketin kasaledekala me sensel kan ong ni mour mwahu.+
Ahpw me keptakai* pahn anahne kousoan nan sahpw madekeng ehu.+
7 Maing Koht, ni omwi ketin kahluwa* sapwellimomwi aramas akan,+
Ni omwi ketin kotekotehwei nan sapwtehno, (Selah)
8 Sampah rerada;+
Pahnlahng kamwerehdi keteu* pwehki Koht;
Nahna Sainai rerada pwehki Koht, Koht en Israel.+
9 Maing Koht, komw kin ketin kaukaule kamwerehdi keteu;
Komw kin ketin pwurehng kakehlahda sapwellimomwi aramas akan* me pwangadahr.
10 Re kin kousoan nan sapwellimomwi kahnimpwal;+
Maing Koht, sang ni sapwellimomwi kupwuramwahu, komw kin ketin apwalih me semwehmwe.
12 Nanmwarki kan oh neirail karis kan kin tangdoaui,+ re kin tangdoaui!
Lih me mihmihte nan imwe kin iang pwaisanki dipwisou lohdi kan.+
13 Mendahki kumwail wie wonohn limwahn kisiniei en impwal kan,*
Kumwail pahn ale pehnpihr en mwuroi men me kidikidki silper,
Oh wune me kidikidki kohl kaselel.*
14 Ni Me Keieu Manamano eh ketin katangapeseng nanmwarki kan wasao,+
Sinoh ahpw mwerediong nan Sahlmon.*
16 Kumwail nahna kan me mie wasa ileile tohto, dahme kumwail peirinkihong
Mehlel, Siohwa pahn ketiket wasao kohkohlahte.+
17 Sapwellimen Koht tehnwar en mahwen kidkid kei, sohte me kak wadekedi.+
Siohwa ketisang Sainai ketido wasa sarawio.+
18 Maing Iah Koht, komw ketidahla wasa ile;+
Komw ketikihsang me selidi kan;
Komw ketiki aramas akan nin duwen kisakis kei,+
Ei, pil iangahki me keptakai kan,+ pwe komwi en ketiket nanpwungarail.
19 Kaping en kohwong Siohwa, me kin ketiki atail tungoal wisik kan rahn koaros,+
Koht mehlelo sounkomourpatail. (Selah)
20 Koht mehlelo iei Koht me kin ketin doareikitailla;+
Oh Siohwa Kaun Wasa Lapalahpie kin ketin kapitkitailsang mehla.+
21 Ei, Koht pahn ketin pwalangpeseng moangen sapwellime imwintihti kan,
22 Siohwa ketin mahsanih: “I pahn kapwureiraildo sang Pasan;+
I pahn kapwureiraildo sang nan kepin madau,
23 Pwe nehmwen en suhrla nan nta+
Oh lowen noumw kidi kan en tamwe ntahn imwintihti kan.”
24 Maing Koht, aramas akan kin kilang sapwellimomwi kapar en powehdi,
Kapar en ei Koht, ei nanmwarki, kohlongalahng nan wasa sarawio.+
25 Sounkoul kan me kin tieng, sounkeseng kan kesekesengki nair keseng sahl akan mwurirail;+
Oh nanpwungarail peinakapw kan kesekesengki dampwurin kan.+
26 Kumwail kapinga Koht nan pokon en aramas akan;*
Kumwail me kohsang Utupen Israel,+ kumwail kapinga Siohwa.
27 Pensamin,+ me keieu tikitik, me kin kaloweiraildi,
Oh kaunen Suda kan iangahki ar pwihn katairong,
Kaunen Sepulon kan, oh kaunen Napdali kan pil kin kaloweiraildi.
28 Omw Koht ketin piladahr en ketikihong uhk kehl.
Maing Koht, komw ketin kasalehda sapwellimomwi kehl, duwehte me komw ketin wiahiongkitehr.+
29 Pwehki sapwellimomwi tehnpas sarawio me mi nan Serusalem,+
Nanmwarki kan pahn patohwandohng komwi kisakis kan.+
30 Komw ketin angiangih mahn lawalo en ahlek kan,
Pelin kouwol kan+ oh wahrail kan,
Lao aramas akan pahn poaridi oh wahdo* silper.
Ahpw e kin ketin katangapeseng aramas akan me perenki mahwen.
32 Kumwail wehi kan en sampah, kumwail kouliong Koht,+
Kumwail koulki koulen kaping kan* ong Siohwa, (Selah)
33 Me kotekotehwei wasa keieu ile nanleng sang kawa ko.+
Kilang! Kapitie kehlail kin ngirisek rasehng nansapwe.
34 Kumwail pohnese sapwellimen Koht kehl.+
Sapwellime roson lapalap mi pohn Israel,
Oh sapwellime kehl mi pahnlahng.*
35 Koht me lemmwin kowahlap ni eh kin ketieisang nan sapwellime* wasa sarawi lingano.+
Ih me Koht en Israel,
Me kin ketikihong aramas akan kehl oh manaman.+
Kapinga Koht.