Melkahka kan
En kadaudok en Kora kan melkahka.+
48 Siohwa me ketin lapalap oh me keieu warohng ale kaping
Nan kahnimw en atail Koht, pohn sapwellime nahna sarawio.
2 Nahna Saion me mi wasa doh ni paliepeng, oh me wia kahnimw en Nanmwarki Lapalapo,+
Me kaselel nan eh wasa ile,
Oh me wia peren en sampah pwon.+
4 Pwe kilang! Nanmwarki kan pokonpenehr;*
Re ehupene mwekidwei.
5 Ni ar kilangada kahnimwo, re ahpw pwuriamweila.
Re salohda oh masepwehkada tangdoaui.
6 Re wie rerrer wasao,
Weiweirek rasehng lih emen me pahn neitik.
7 Komw ketin kauwehkihla sohp en Tarsis kan kisinieng en palimese.
8 Met se kilangehr dahme se patohwan rongehr
Nan kahnimw en Siohwa kaunen karis en sounpei, nan kahnimw en at Koht.
Koht pahn ketin koasoanehdi teng kahnimw wet kohkohlahte.+ (Selah)
9 Maing Koht, se kin medemedewe sapwellimomwi limpoak loalopwoat,+
Nan sapwellimomwi tehnpas sarawio.
10 Maing Koht, duwehte mwaromwi, kapingpomwi
Kin lella ni imwin sampah.+
Palimaun en nin limomwi direkilahr me pwung.+
11 Nahna Saion+ en pereperen,
Kisin kahnimw* en Suda kan en pereperen, pwehki sapwellimomwi kopwung kan.+
13 Tehk eh koasoakoasoak kan.*+
Dawih eh imwen doulik kehlail kan,
Pwe kumwail en padahkihong dih en mwuhr kan.
14 Pwe Koht menet iei atail Koht+ kohkohlahte.