Melkahka kan
Ong sounpihtih keseng. En Depit melkahka, pwehn wia mehn kataman ehu.*
70 Maing Koht, komw ketin doareiehla;
Maing Siohwa, komw ketin mwadangodo sewese ie.+
2 Irail akan me kin raparapahki en kihsang ei mour*
En namenekla oh sarohdi.
Irail akan me kin perenkihda ei kahpwal
En pweiekla ni ar namenekla.
3 Irail akan me kin kapailoke ie oh nda: “Ke les!”
Ren tangdoaui ni ar namenekla.
4 Ahpw irail akan me kin rapahkin komwi
En perenda pwehki komwi.+
Irail akan me kin poakohng sapwellimomwi wiewiahn komour kan en kin ahnsou koaros patohwan:
“Koht en ketin linganla!”