Melkahka kan
Ong sounpihtih keseng. En kadaudok en Kora kan melkahka.+
85 Maing Siohwa, komw ketin kupwuramwahwiher sapwellimomwi sahpwo;+
Komw ketin kapwuredohr nein Seikop seri kan me selidi.+
2 Komw ketin mahkohngehr sapwung en sapwellimomwi aramas akan;
3 Komw ketin irehdier sapwellimomwi engieng kowahlap koaros;
Komw ketin sohpeisangehr sapwellimomwi engieng.+
4 Maing Koht, sounkomourpat, komw ketin kasapahlkitodo,*
Oh katokehdi sapwellimomwi kupwur toutou ong kiht.+
5 Ia duwe, komw pahn kin ketin engieng kowahlap paht kohkohlahte?+
Komw pahn ketin kareireila sapwellimomwi engieng sang ehu dih lel ehu dih?
6 Komw sohte pahn ketin pwurehng kakehlaikitada
Pwe sapwellimomwi aramas akan en kak perenkin komwi?+
7 Maing Siohwa, komw ketin kasalehiong kiht sapwellimomwi limpoak loalopwoat,+
Oh ketikihong kiht sapwellimomwi komour.
8 I pahn rong dahme Siohwa, Koht mehlelo ketin mahsanih,
Pwe e pahn ketin mahsanihong sapwellime aramas akan,+ sapwellime aramas loalopwoat kan duwen popohl,
Ahpw ren dehr pwurehng nohn koapworopworkihla pein irail.+
9 E uhdahn pahn ketin doarehla irail akan me kin lemmwiki ih,+
Pwe sapwellime lingan en kak mihmihte nan sapwatailo.
10 Limpoak loalopwoat oh lelepek pahn tuhpene;
Pwung oh popohl pahn metik emenemen ira.+
11 Lelepek pahn wosada sang nan sampah,
Oh pwung pahn kilengdihdo sang nanleng.+
13 Pwung pahn tieng mwohn silangi+
Oh kaunopada ahl apwoat ong ih.