Melkahka kan
74 Maing Koht, dahme kahrehda komw ketin soingkitala kohkohlahte?+
Dahme kahrehda komw ketin engieng pahn pelin sihpw me komw kin ketin apwalih mahso?*+
2 Komw ketin tamanda aramas ako* me komw ketin alehda mahsie,+
Keinek me komw ketin pwainda sapahl pwehn wiahla sapwellimomwi sohso.+
Komw ketin tamanda Nahna Saion, wasa me komw ketiket ieo.+
3 Komw ketila ni mohn kahnimw me wereilahro.+
Imwintihtio kauwelahr mehkoaros nan wasa sarawio.+
4 Sapwellimomwi imwintihti kan wie weriwer nan sapwellimomwi wasahn kaudoko.*+
Re kauwadahr ar pilaik kan wasao nin duwen kilel.
5 Re rasehng aramas akan me pelepelehki tuhkehn nanwel sile kan.
6 Re pwalangkihpeseng dihd koaros me perperkihda mahlen+ neirail sile kan oh mete kan.
7 Re isikada sapwellimomwi wasa sarawio.+
Re kasaminehla oh karangkehdi impwal sarawi me kin kawauwih mwaromwio.
8 Irail oh kadaudokarail kan kin ndinda nan ar mohngiong:
“Kitail pahn isikala wasahn kaudok en Koht koaros* nan sahpwo.”
9 Sohte kilel me kitail pahn kilang;
Solahr soukohp akan,
Oh sohte emen nanpwungatail me ese ia uwen werei met pahn wiawi.
10 Maing Koht, ia erein imwintihtio eh pahn pousehlahte kapakapailok?+
Imwintihtio pahn mwamwahliki mwaromwi kohkohlahte?+
11 Dahme kahrehda komw ketin koledi palimaun en nin limomwi?+
Komw ketin kapahwei sang ni mwaremwaromwi* oh kamwomwirailla.
12 Ahpw Koht me ei Nanmwarki sangete mahso,
Ih me kin ketin wia doadoahk en komour kan nin sampah.+
13 Komw ketin kamwakidkihda sehdo sapwellimomwi roson;+
Komw ketin pwalangpesengehr moangen mahn kalaimwun kan en nansed.
14 Komw ketin kamwutepenehr moangen* Lepaiadan;*
Komw ketin kamwengekihla aramas akan, irail akan me kin mi nan sapwtehn.
15 Komw ketin wiadahr utuhnpihl kan oh piletik kan en pwilipwilwei;+
Komw ketin kamadadahr pillap kan me kin pwilipwilwei ahnsou koaros.+
16 Komwi me ketin sapwellimanki nin rahn oh pil nipwong.
Komwi me ketin wiahda marain oh ketipin.+
17 Komw ketin koasoanedier irepen sampah kan koaros;+
Komw ketin wiadahr ahnsoun karakar oh ahnsoun kopou.+
18 Maing Siohwa, komw ketin tamanda en imwintihtio kapailok kan,
Duwen aramas pweipwei kan ar kin mwamwahliki mwaromwi.+
19 Komw dehr ketin mweidalahng mahn lawalo kan mouren* sapwellimomwi mwuroio.
Komw dehr ketin likidmeliehla mouren sapwellimomwi aramas lokolok kan kohkohlahte.
20 Komw ketin tamanda inou lapo,
Pwe wasa rotorot akan nan sampah direkilahr wasahn kousoan en aramas lemei kan.
22 Maing Koht, komw ketida oh doare sapwellimomwi repenpwung.
Komw ketin tamanda duwen me pweipweio eh kin kepitkin komwi rahn ehu pwon.+
23 Komw dehr ketin meliehla dahme sapwellimomwi imwintihti kan kin ndinda.
Katairong en irail kan me kin uhwong komwi kin wie kohkohda ahnsou koaros.