Melkahka kan
Ong sounpihtih keseng. Ong ngilen keseng “Komw Dehr Ketin Kamwomwala.” En Asap melkahka.+ Koul pwoat.
75 Maing Koht, se patohwan kapingkalahngan ong komwi, se patohwan kapingkalahngan ong komwi;
Mwaromwi kin mihmi reht,+
Oh aramas kin lohkiseli sapwellimomwi doadoahk kapwuriamwei kan.
2 Komw ketin mahsanih: “Ni ei kin koasoanehdi ahnsou ehu,
I kin kopwung ni pahrek.
3 Ni sampah oh towe kan koaros ar tepida peipeseng,
Ngehi me kin katengehdi uhren sampah kan.” (Selah)
4 I kin ndaiong me kin suwei, “Ke dehr suwei,”
Oh ong me suwed, “Ke dehr pohnmwahsohki omw kehl.*
6 Pwe wahupen aramas sohte kin kohsang
Palimese de palikapi de palieir.
7 Pwe Koht me Sounkopwung.+
E kin ketin kasapwildi emen oh kasapwilada emen tohrohr.+
8 Pwe mie kep ehu nin limen Siohwa;+
Waino kin pwudopwudida oh doaldahier mwahu.
E uhdahn pahn ketin wudekihla,
Oh me suwed koaros nin sampah pahn nim, lella ni mweremwere kan.”+
9 Ahpw ngehi, I pahn lohki dahme Koht ketin wiadahr kohkohlahte;
I pahn koulki koulen kaping kan* ong Koht en Seikop.