Melkahka kan
Ong sounpihtih keseng; en Sedudun.* En Asap melkahka.+
77 I pahn likweriong Koht ni ngihl laud;
I pahn likweriong Koht, oh e pahn ketin karonge ie.+
2 Ni ahnsoun ei apwal I kin rapahki Siohwa.+
Oh nipwong kan I sohte kin tokedihsang kapahda pehi kat ni kapakap.*
Sohte mehkot kak kansenamwahwihiehla.
4 Komw sohte kin ketin mweidohng ie I en meirla;
I kin pwunod oh sohte kak lokaia.
5 I kin medemedewe duwen rahn me samwalahr ako,+
Sounpar en mahs ako.
7 Ia duwe, Siohwa pahn ketin keseikitailla kohkohlahte?+
E sohte pahn ketin pwurehng kupwuramwahwih kitail?+
8 Sapwellime limpoak loalopwoat tokedier kohkohlahte?
Sapwellime inou sohte pahn pweida erein dih kan koaros?
9 Koht ketin melielahr kasalehda sapwellime kupwuramwahu,+
De sapwellime engieng katokedier sapwellime kadek kalahngan? (Selah)
10 I en kin ndinda: “Iet dahme kin kapwunodeiehn:*+
Wasa Lapalahpie ketin wekidalahr kupwure* ong kiht”?
11 I pahn tamataman sapwellimomwi doadoahk kan, Maing Iah;*
I pahn tamataman sapwellimomwi wiewia kapwuriamwei kan en mahso.
12 Oh I pahn doudouloale mehkoaros me komw ketin wiadahr
Oh medemedewe sapwellimomwi wiewia kan.+
13 Maing Koht, alomwi kan me sarawi.
Maing Koht, mie koht emen me lapalap me duwei komwi?+
14 Komwi me Koht mehlel, me kin ketin wia soahng kapwuriamwei kan.+
Komw ketin kasalehiongehr aramas akan sapwellimomwi kehl.+
15 Sang ni sapwellimomwi manaman,*+ komw ketin kapitalahr* sapwellimomwi aramas akan,
Iei nein Seikop kan oh nein Sosep kan. (Selah)
16 Maing Koht, pihl akan kilangkomwihda;
Pihl akan kilangkomwihda oh rerada.+
Oh pihl loal kan tepida pwungupwungdekseli.
17 Depwek kan kamwerehdi pihl.
Mie ngirisek en nansapwe nan depwek toantoal kan,
Oh sapwellimomwi arep kan pipihrseli wasa koaros.+
18 Ngilen ngirisek en sapwellimomwi nansapwe+ rasehng daiahn kuruma;
Lioal kin pir oh kamarainihada sampah;*+
Sampah rerada oh itikekda.+
19 Alomwi kohlongala nansedo,+
Alomwi mi nan pihl loal kan;
Ahpw lipwen aluweluwomwi kan sohte sansal.