Melkahka kan
En Asap melkahka.+
79 Maing Koht, wehi kan pedolongehr nan sapwellimomwi sahpwo;+
Re kasaminelahr sapwellimomwi tehnpas sarawio;+
Re wekidohngehr Serusalem ni koasoakoasoak en mohn kahnimw ehu.+
2 Re kihla kenen menpihr en pahnlahng kan paliweren sapwellimomwi ladu melahr kan
Oh uduken sapwellimomwi aramas loalopwoat kan rehn mahn lawalo en sampah kan.+
3 Re kakerehdi ntahn aramas pwukat duwehte pihl wasa koaros nan Serusalem,
Oh sohte emen luwehdi pwehn sarepiraildi.+
4 Se wiahla mehkot kanamenek ehu ong mehn mpat kan;+
Irail akan me mi limwaht kin kepitkin kiht oh mwamwahlikin kiht.
5 Maing Siohwa, ia erein omwi pahn ketin engieng kowahlap? Kohkohlahte?+
Ia erein omwi engieng eh pahn lullulte rasehng kisiniei?+
6 Komw ketikihdiong omwi engieng pohn tohnwehi kan me kin sehsei komwi
Oh pohn wehi kan me sohte kin likweriong mwaromwi.+
7 Pwe irail kadallelahr Seikop
Oh re wiahiong uhdakeo en tehnla.+
8 Komw dehr ketin kapwukoahkin kiht en samat mehn mahs ako sapwung kan.+
Komw ketin mwadangodo oh kasalehiong kiht kadek kalahngan,+
Pwe se uhdahn luwetalahr.
9 Maing Koht sounkomourpat, komw ketin sewesei kiht,+
Pwehki mwaromwi lingan;
Komw ketin doareikitala oh mahkohng* dipat kan pwehki mwaromwi.+
10 Dahme wehi kan en kin idengki: “Ia arail Kohto?”+
Mwohn masat kan, wehi kan en esehla
Me komwi ketin ikihier aramas akan me kemehla sapwellimomwi ladu kan.+
11 Komw ketin karonge sengloal en me sensel kan.+
Komw ketin doadoahngki sapwellimomwi manaman lapalap* pwehn pere* irail akan me pakadeikdahr ren kamakamala.+