Melkahka kan
En kadaudok en Kora kan melkahka.+ Koul pwoat.
87 Poahsoanen sapwellime kahnimwo kin mi pohn nahna sarawi kan.+
2 Siohwa kin ketin poakohng ewen kehl en Saion kan+
Laudsang impwal en Seikop kan koaros.
3 Kahnimw en Koht mehlelo,+ aramas akan kin ndinda soahng lingan kan duwen kowe. (Selah)
4 I pahn pahngada Reap+ oh Papilon ira en iang kisehn irail kan me kin ese* ie;
Pilisdia, Dair oh Kus pil pahn iang ese ie.
Re pahn nda: “Memenet ipwidi wasao.”
5 Oh aramas akan pahn ndahki Saion:
“Aramas pwukat koaros ipwidi nan kahnimwo.”
Oh Wasa Lapalahpie pahn ketin katengehdi kahnimwo.
6 Ni ahnsou me Siohwa pahn ketin kilelehdi aramas ako, e pahn ketin lohki:
“Memenet ipwidi wasao.” (Selah)