Melkahka kan
Koul pwoat. En kadaudok en Kora kan melkahka.+ Ong sounpihtih keseng; wiepen Maalad,* koul pwepweki. Maskil* en Eman+ mehn Esraa.
88 Maing Siohwa, Koht sounkomourpei,+
Ni rahn I kin liklikwerwei,
Oh nipwong I kin patohdo mwohn silangomwi.+
4 I wadawadohngehr irail akan me pahn kohdihla nan pwoahr;*+
I wialahr aramas emen me sohte sawasepe,*+
5 Me lekdeklahr rehn me melahr akan
Rasehng aramas kamakamalahr men me wonohn nan sousou ehu,
Me komw ketin melielahr
Oh me katohrohrsangehr omwi epwel.*
6 Komw ketikiniehdier nan pwoahr me keieu loal,
Nan wasa rotorot kan, nan lapalahn pwoahr ehu me soh kapi.
7 Omwi engieng kin katoutouwihiehla,+
Oh komw kin ketin kipehkiniehdi sapwellimomwi ilok sawa kan. (Selah)
8 Komwi me ketin kadohwaneweisang ie kompoakepahi kan;+
Komw ketin wiahkinielahr mehkot kasaut ong irail.
I lidipdier oh sohte kak pitila.
9 Pwoaren mesei kat luwetkilahr ei lokolok.+
Maing Siohwa, I liklikweriong komwi rahn ehu pwon;+
I kapadahng komwi pehi kat.
10 Ia duwe, komw pahn ketin wiahda soahng kapwuriamwei kan ong me melahr akan?
Me melahr akan me sohte ar kehl kak uhda oh kapinga komwi?+ (Selah)
11 Ia duwe, sapwellimomwi limpoak loalopwoat pahn kalohkda nan sousou,
Oh sapwellimomwi lelepek nan wasahn kamwomwmwomwla?*
12 Sapwellimomwi soahng kapwuriamwei kan pahn sansalda nan rotorot
De sapwellimomwi pwung pahn sansalda nan sapwen me manokonoklahr kan?+
13 Ahpw Maing Siohwa, I kin liklikweriong komwi peksawas,+
Nimenseng koaros ei kapakap kin lelewohng mwohn silangomwi.+
14 Maing Siohwa, dahme komw ketin soingkiniehla?+
Dahme kahrehda komw ketin karirihala sang ie silangomwi?+
15 Sangete ni ei pwulopwul,
I kin wie lokolok oh kereniong mehla;+
I ketiketkilahr soahng kamasepwehk kan me komw kin ketin mweidohng ie I en lokolongki.
16 Sapwellimomwi engieng kowahlap kin poweiehdi;+
Sapwellimomwi soahng kamasepwehk kan kin kauweiehla.
17 Mepwukat kin kapiliepene rasehng pihl rahn ehu pwon;
Re kin kerendohng ie sang ni pali koaros.*
18 Komwi me ketin kadohwaneweisang ie kompoakepahi kan oh iengei kan;+
Rotorot wialahr kompoakepahi.