Melkahka kan

 2 Depwek oh rotorot mosul kin kapilpene ih;+

Pwung oh pwung pahrek me wia poahsoanen mwoale.+

 3 Kisiniei kin tieng mwowe+

Oh isikala sapwellime imwintihti kan ni pali koaros.+

 4 Piripir en sapwellime lioal kin kamarainihada sahpwo;

Sampah kin kilang met oh kin rerrerki.+

 5 Nahna kan kin peipeseng rasehng kirihs mwohn silangin Siohwa,+

Mwohn silangin Kaunen sampah pwon.

 6 Nanleng kin lohki sapwellime pwung,

Oh aramas koaros kin kilang sapwellime lingan.+

 7 Irail koaros me kin kaudokiong sansal perperda kan en namenekla,+

Irail akan me kin suweiki ar koht soh katepe kan.+

 8 Saion kin rong oh perenda;+

Kisin kahnimw* en Suda kan kin pereperen

Pwehki sapwellimomwi kopwung kan, Maing Siohwa.+

 9 Pwe Maing Siohwa, komwi me Wasa Lapalahpie pohn sampah pwon;

Komwi ketin ileilehsang koht teikan koaros.+

E kin ketin sinsile mouren* sapwellime aramas loalopwoat kan;+

E kin ketin kapitirailla sang nan pehn* me suwed.+

11 Marain kin dakadahng aramas pwung kan+

Oh peren kin kodohng irail kan me ahneki mohngiong pwung.

12 Kumwail me pwung kan, kumwail nsenamwahu pwehki Siohwa,

Kumwail kapingkalahngan ong mware sarawi.*