Melkahka kan

En Depit melkahka.

101 I pahn patohwan koulki duwen limpoak loalopwoat oh pwung pahrek.

Maing Siohwa, I pahn patohwan koulkihong komwi koulen kaping kan.*

2 I pahn mwekid ni loalokong oh ni ahl me sohte karaunpe.*

Iahd me komw pahn ketido rehi?

I pahn weweid ni mohngiong loalopwoat+ nan imwei.

3 I sohte pahn kihdi mehkot soh katepe* mwohn mesei kat.

I kin kailongki wiewiahn irail kan me kin sohpeisang dahme pwung;+

Sohte ahiong irail.*

4 Mohngiong mwersuwed kin dohsang ie;

I sohte pahn pwungki* dahme suwed.

5 I pahn katokehdi* mehmen

Me kin karaunlikamwih mehn mpe ni rir.+

I sohte pahn kanengamahiong mehmen

Me kin aklapalap oh pohnmwahso.

6 I pahn sohpeiong me lelepek en sampah kan,

Pwe ren kousoan rehi.

Me kin weweid ni ahl me sohte karaunpe* pahn papah ie.

7 Sohte aramas widing pahn mihmi nan imwei,

Oh sohte aramas likamw pahn uh mwohi.*

8 Nimenseng koaros I pahn katokehdi* aramas suwed koaros nin sampah,

Pwe I en kasohrehsang koaros me kin wia me suwed nan kahnimw en Siohwa.+