Melkahka kan
Maing Siohwa ei Koht, komwi me keieu lapalap.+
Komw kin ketin kapwatkihda roson lapalap* oh lingan.+
2 Marain kin kapilkomwipene+ duwehte likou ehu;
Komw kin ketin katehlapahla nanleng duwehte likoun impwal ehu.+
3 E kin ketin wiahda* sapwellime wasahn kousoan nan pihl akan nan wehwe,*+
E kin ketin wiahki depwek kan tehnwere kuruma,+
Oh kin ketiketseli pohn pehnpihr en kisinieng.+
4 E kin ketin wiahki sapwellime tohnleng kan kisinieng,*
Oh sapwellime sounpapah kan kisiniei me kin kamwomwala wasa.+
5 Komw ketin koasoanedier teng sampah pohn poahsoane;+
6 Komw ketin koaduhpwalkidier sampah pihl loal kan duwehte likou ehu.+
Pihl akan kin koaduhpwalihdi nahna kan.
7 Pihl akan pwilpeseng ni omw ketin angiangihirailda;+
Ni ar rong ngilen ngirisek en sapwellimomwi nansapwe, re tangdoaui.
8 —Nahna kan kohda+ oh wahu kan kohdi—
Nan wasa me komw ketin koasoanediong irail.
9 Komw ketin koasoanedier irepe ehu me pihl akan sohte pahn daulihala,+
Pwe ren dehr pwurehng koaduhpwalihdi sampah.
10 E kin ketin kapwilewei pihl akan nan wahu kan;
Re kin pwilipwilwei nanpwungen nahna kan.
11 Pihl pwukat kin kanimpile mahn lawalo koaros en nansapw;
Dongki lawalo kan kin niminim.
12 Menpihr en pahnlahng kan kin wiahda pasarail pohnangirail;
Re kin kokoul nanpwungen tuhke losolos kan.
13 E kin ketin kamwerehdi pihl pohn nahna kan sang nan sapwellime wasahn kousoan.+
Sampah kin nsenamwahukihla wahn sapwellime doadoahk kan.+
14 E kin ketin kawosehda dihpw ong kou
Oh wahntuhke ong aramas en doadoahngki,+
Pwehn kakairada wahnsahpw sang nan sahpwo
15 Oh wain me kin kaperenda mohngiong en aramas,+
Leh me kin wiahiong mesen aramas en melengileng,
16 Sapwellimen Siohwa tuhke kan kin kelemwur mwahu,
Sidar en Lepanon kan me e ketin padokedi,
17 Wasa me menpihr kan kin wiahda pasarail kan.
Pesen sidoahk kan+ kin mi ni tuhke suniper kan.
18 Nahna ileile kan wia wasahn kousoan ong kuht en nahna kan;+
19 E ketin wiahda maram pwehn kilelehdi ahnsou kan;
Ketipin kin uhdahn ese iahd me e pahn kihrla.+
20 Komw kin ketikihdo rotorot, oh e kin wiahla pwohng,+
Ni ahnsou me mahn lawalo en nanwel koaros kin kohkohseli.
21 Laion pwulopwul kan* kin weriwerseli ni ar raparapahki seikarail+
Oh re kin rapahki kanarail mwenge sang rehn Koht.+
22 Ni ketipin eh kin dakada,
Irail kin pwurala oh wendi nan dewerail kan.
23 Aramas kin kohla doadoahk,
Oh kin wie doadoahk lao lel nin soutik.
24 Maing Siohwa, ia uwen tohtohn wiepen nin limomwi kan!+
Komw ketin wiadahr mepwukat koaros ni erpit.+
Sampah direkilahr soahng kan me komw ketin wiadahr.
25 Mie sehd me inenen lapala oh tehlap,
Me direki soahng momour ngedehrie, me tikitik oh lapala.+
27 Irail koaros kin awiawih komwi
Pwe komwi en ketikihong irail kanarail mwenge ni ahnsou me konehng.+
28 Re kin kihpene dahme komw ketikihong irail.+
Ni omw kin ketin kapapeseng nin limomwien, re kin medkihla soahng mwahu kan.+
29 Ni omw kin ketin karirihala silangomwi, re kin pwunodada.
Ma komw ketikihsang ar angin esingek,* re kin mehla oh pwuralahng pwehl.+
30 Ma komw ketin kadarewei sapwellimomwi ngehn sarawi,* re kin kapikipikda,+
Oh komw kin ketikihong sampah mour kapw.
31 Lingan en Siohwa pahn mihmi kohkohlahte.
Siohwa pahn ketin kupwurperenki wiepen nin lime kan.+
32 E kin ketin mahsanihada sampah, oh sampah kin rerada;
E kin ketin sair nahna kan, oh re kin ediedida.+
33 I pahn kouliong Siohwa+ erein ei mour;
I pahn koulki koulen kaping kan* ong ei Koht erein ei momour.+
34 Ei madamadau kan en kaperenda ih.*
I pahn nsenamwahu pwehki Siohwa.
35 Me dipan akan pahn sohrasang sampah,
Me suwed pahn sohla mie.+
I en kapinga Siohwa. Kapinga Iah!*