Melkahka kan
105 Kumwail kapingkalahngan ong Siohwa,+ likweriong mware,
Kumwail kehsehki aramas akan sapwellime wiewia kan!+
2 Kumwail kouliong ih, kumwail koulkihong ih koulen kaping kan,*
Kumwail medemedewe* sapwellime wiewia kapwuriamwei kan koaros.+
3 Kumwail suweiki mware sarawi.+
Mohngiong en irail akan me kin raparapahki Siohwa en perenda.+
4 Kumwail sohpeiong Siohwa+ oh likih sapwellime manaman.
Kumwail rapahki silangi* ahnsou koaros.
5 Kumwail tamanda wiewia kapwuriamwei kan me e ketin wiadahr,
Sapwellime manaman kapwuriamwei kan, oh kadeik kan me e ketin lohkidahr,+
6 Kumwail kadaudok en Eipraam, sapwellime ladu,+
Kumwail nein Seikop, sapwellime aramas pilipildahr kan.+
7 Ih me Siohwa atail Koht.+
Sapwellime kadeik kan kin mi wasa koaros nin sampah.+
8 E kin ketin tamataman sapwellime inou lapo kohkohlahte,+
E sohte mwahn pahn ketin likidmeliehla inou me e ketin wiadahr,*+
9 Inou lap me e ketin wiahiong Eipraam,+
Oh inou me e ketin kahukihong Aisek,+
10 Me e ketin wiahda nin duwen koasoandi ehu ong Seikop
Oh nin duwen inou lap poatopoat ehu ong Israel,
11 Oh e ketin mahsanih, “I pahn kihong uhk sapwen Kenan+
Nin duwen omw sohso.”+
12 Iei ahnsowo me irail malaulau,+
Ei, irail uhdahn malaulau, oh irail wia mehn liki kei nan sahpwo.+
13 Re ahpw kin kakahnseli sang nan ehu sahpw lel ehu sahpw,
Sang ehu wehi lel ehu wehi.+
14 E sohte kin ketin mweidohng aramas emen en kaloke irail,+
Ahpw e kin ketin panawih nanmwarki kan pwehki irail,+
15 Oh e ketin mahsanih, “Kumwail dehpa sair nei me keidi kan,
Oh kumwail dehpa wiahiong nei soukohp kan mehkot suwed.”+
17 E ketin kadarala mwohrail ohl emen
Me netila nin duwen lidu men, iei Sosep.+
18 Re pirekihdi* neh kan selmete,+
Selmete kan pirapiriong ni tepinwere;
19 Lao lel ahnsou me sapwellime mahsen pweida,+
Mahsen en Siohwa me kamwakelehda ih.
20 Nanmwarkio kadarala aramas emen pwehn kasaledekihala,+
Kaunen aramas ako kasaledekihala.
21 Nanmwarkio kasapwilada ih en wia kaunen tehnpese,
Kaunen mehkoaros me e ahneki,+
22 Pwehn ahneki manaman pohn* nah lapalap akan nin duwen me e mwahuki
Oh pwehn padahkihong nah ohl mah kan erpit.+
23 Israel eri kohdo nan Isip,+
Oh Seikop koukousoan nan sapwen Ahm nin duwen mehn liki men.
24 Koht ketin wiahiong sapwellime aramas akan ren uhdahn tohtohla;+
E ketin wiahiong irail ren kehlailsang arail imwintihti kan.+
25 E ketin wekidala mohngiong en imwintihti kan pwe ren kailongki sapwellime aramas akan,
Pwe ren koasoakoasoane ren uhwong sapwellime ladu kan.+
27 Ira wiahda sapwellime kilel kan nanpwungarail,
Sapwellime manaman kan nan sapwen Ahm.+
28 E ketin kadarodo rotorot oh sahpwo rotorotala;+
Ira sohte uhwong sapwellime mahsen kan.
29 E ketin kawekiong pihl akan ni nta
Oh kemehla mwahmw akan.+
30 Sapwarailo direkihla kairu kan,+
Pil iangahki nan en nanmwarkio pere kan.
31 E ketin ruwese loahng kan ren pedolong nan sapwarailo
Oh amwin wel kan en audehla sapwarailo pwon.+
33 E ketin kamwomwala arail tuhke kreip kan oh tuhke pik kan
Oh ketin kauwehla tuhke koaros nan sapwarailo.
34 E ketin mahsanih me loukust kan pahn pedolong nan sahpwo,
Loukust pwulopwul kan me sohte kak wadawadedi.+
35 Re kangala dihpw koaros nan sahpwo,
Oh re kangala wahnsahpw kan.
36 Ih eri ketin kemehla mesenih koaros nan sapwarailo,+
Tepin arail kehl en kaparapar.
37 E ketin kahluwaiei sapwellime aramas akan iangahki silper oh kohl;+
Oh sohte emen nanpwungen arail keinek kan me dipekelekel.
39 E ketin perekipeseng pelien depwek ehu pwehn pereirailla;+
Oh kisiniei ehu pwehn kamarainih irail nipwong.+
40 Re peki, oh e ketin kadarodohng irail kuail;*+
E kin ketin pousehlahte kamedkinirailla pilawa sang nanleng.+
41 E ketin ritingada paip ehu, oh pihl akan kusieisang;+
Pihl pwukat pwilipwillahng nan sapwtehn duwehte pillap pwoat.+
42 E ketin tamataman inou sarawio me e ketin wiahiong sapwellime ladu Eipraam.+
43 Eri e ketin kahluwaiei sapwellime aramas akan.
Aramas ako perenda,+ sapwellime aramas pilipildahr kan ngisingiski ar peren.
44 E ketikihong irail sapwen wehi kan;+
Irail sohsohkihdi dahme aramas teikan wiahda sang ni ar doadoahk laud,+
45 Pwe ren kin kapwaiada sapwellime koasoandi kan+
Oh peikiong sapwellime kosonned kan.
Kapinga Iah!*