Melkahka kan
Ong sounpihtih keseng; iangahki keseng sahl kan. En Asap melkahka.+ Koul pwoat.
3 Wasao, e ketin kauwehla arep kisiniei kan sang kesik ketieu,
Mehn sansar oh kedlahs oh tehtehn mahwen kan.+ (Selah)
4 Komw kin ketin lingaling;*
Komw kin ketin lingansang nahna kan wasa me mahn lawalo kan mi ie.
5 Dahme me kommwad kan ahneki kulsangehr.+
7 Komwi kelehpw me lemmwin kowahlap.+
Ihs me kakohng sapwellimomwi engieng kowahlap?+
8 Sang nanleng komw ketin kapwilodo kadeik;+
Sampah eri masepwehkada oh nennenla+
9 Ni Koht eh ketida pwehn wia kadeik,
Pwehn doarehla me opampap koaros nin sampah.+ (Selah)
10 Pwe en aramas lingeringer pahn wia kapingpomwi;+
Ni aramas akan ar kin lingeringerte, met pahn wia ahnsou mwahu ong komwi en linganla.
11 Kahukihong Siohwa omw Koht inou kan oh kapwaiada mepwukat,+
Koaros me mi limwah en patohwando ar kisakis ni ar lemmwiki.+
12 E pahn ketin kanamenekihala kaun aklapalap kan;
E kin ketin kamasakada nanmwarkien sampah kan.