Melkahka kan
Melkahka pwoat. Koul pwoat ong rahnen Sapad.
92 Maing Siohwa Wasa Lapalahpie, e kin mwahu en patohwanohng komwi kapingkalahngan+
Oh koulki koulen kaping kan* ong mwaromwi,
2 E kin mwahu en lohki sapwellimomwi limpoak loalopwoat+ nimenseng
Oh lohki sapwellimomwi lelepek nipwong kan,
3 Oh kapingahki komwi mehn keseng sahl eisek oh luhd,*
Iangahki ngilen keseng kaselel en arp.+
4 Pwe Maing Siohwa, komw ketin kaperenkiniedahr sapwellimomwi wiewia kan;
I kin weriwerki peren pwehki wiepen nin limomwi kan.
5 Maing Siohwa, ia uwen lapalap en sapwellimomwi doadoahk kan!+
Ia uwen loal en sapwellimomwi madamadau kan!+
6 Aramas me sohte eh madamadau sohte kak ese mepwukat;
Oh aramas pweipwei sohte kak wehwehki met:+
7 Mehnda ma me suwed kin keirda duwehte dihpw
Oh koaros me kin wia me suwed kin pweida,
Re pahn kamwomwmwomwla kohkohlahte.+
8 Ahpw Maing Siohwa, komwi me lapalahpie kohkohlahte.
9 Ni mehlel, Maing Siohwa, komw ketin mahsanih sapwellimomwi imwintihti kan ar pahn lohdi,
Komw ketin mahsanih sapwellimomwi imwintihti kan ar pahn sohrala;
Koaros me kin wia me suwed pahn mwarahkpeseng.+
10 Ahpw komw pahn ketin kalaudehla ei kehl* duwehte koupwul lawalo men;
I pahn keiehki kiliet leh kansenamwahu.+
11 Mesei kat pahn kilang ei imwintihti kan ar pahn lohdi;+
Salengei kat pahn rong me suwed kan me kin peiong ie ar pahn lohdi.
12 Ahpw me pwung kan pahn duwehte tuhke pahm pwoat*
Oh re pahn lalaudla duwehte tuhke sidar en Lepanon.+
13 Re poadidi nan tehnpesen Siohwa;
Re kin pweida nan sapwellimen atail Koht wasa kelpene kan.+
14 Mehnda ma re mahla,* re pahn kin pweipweidahte;+
Re pahn kehkehlailte* oh rosorosonte,+
15 Oh re pahn kin lohki me Siohwa me pwung.
Ih me ei Paip,+ me sohte sapwung kis reh.