Melkahka kan
95 Kumwail patohdo, kitail weriwerki peren ong Siohwa!
Kitail weriwerki ngilen kana ong atail Paip en komour.+
2 Kitail patohwanla mwohn silangi kapingkalahngan;+
Kitail koul oh weriwerki ngilen kana ong ih.
3 Pwe Siohwa iei Koht lapalap emen,
Nanmwarki lapalap emen pohnangin koht teikan koaros.+
4 Wasa loal kan en sampah kin mi nin lime;
E ketin sapwellimanki kadoken nahna kan.+
6 Kumwail patohdo, kitail kaudok oh poaridi;
Kitail kelepwikihdi mwohn silangin Siohwa, Sounwiapatail.+
Ma kumwail rong kapitie rahnwet:+
8 “Kumwail dehr kakeptakaila amwail mohngiong duwehte nan Meripa,*+
Duwehte rahno nan Massah* nan sapwtehno,+
9 Ni ahnsou me samamwail mehn mahs ako kasonge ie;+
Re kasonge ie mendahki re kilangehr ei doadoahk kan.+
10 Pwe erein sounpar 40 I kin kalahdeki dih wet, oh I mahsanih:
‘Irail aramas ekei me kin sohpeiweisang ie ahnsou koaros nan arail mohngiong;
Re sohte kin esehla elei kan.’
11 Ngehi eri kahukihla nan ei engieng:
‘Irail sohte pahn iang pedolong nan ei kommoal.’”+