Melkahka kan
94 Maing Siohwa, Koht en dupuk,+
Maing Koht en dupuk, komw ketin dakarada wasa!
2 Maing Sounkopwung en sampah,+ komw ketida.
Komw ketin dupungkihong me aklapalap akan dahme konehng irail.+
3 Ia erein me suwed kan, Maing Siohwa,
Ia erein me suwed kan ar pahn kin pereperen?+
4 Re kin koasoi en salamalam oh aklapalap;
Koaros me kin wia soahng suwed kan kin suweiki pein irail.
5 Maing Siohwa, re kin kauwehla sapwellimomwi aramas akan,+
Oh re kin kaloke sapwellimomwi sohso.
6 Re kin kemehla liohdi oh mehn liki kan,
Oh pil me sepwoupwou kan.
8 Kumwail me sohte kin madamadau, kumwail wehwehkihla met;
Kumwail me pweipwei kan, iahd me kumwail pahn dehdehkihla mwahu?+
9 Ih me ketin wiahda* salengatail sou kak ketin karonge wasa?
Ih me ketin wiahda masatail sou kak ketin mahsanih wasa?+
10 Ih me kin ketin kapwungala wehi kan sou kak ketin panawih aramas?+
Iei Ih me kin ketikihong aramas akan loalokong!+
11 Siohwa ketin mwahngih madamadau en aramas akan,
Me arail madamadau wiahte angin esingek ehu.+
12 Maing Iah, meid peren aramas me komw kin ketin kapwungala,+
Me komw kin ketin padahkih sang nan sapwellimomwi kosonned,+
13 Pwe komwi en ketikihong ih meleilei erein ahnsoun apwal,
Lao ehu pwoahr weiweida ong me suwed.+
14 Pwe Siohwa sohte pahn ketin kesehla sapwellime aramas akan,+
De pil ketin likidmeliehla sapwellime sohso.+
15 Pwe kopwung pahn pwurehng wiawi ni pwung,
Oh koaros me ahneki mohngiong pwung pahn idawehn.
16 Ihs me pahn uhda oh peikin ie rehn me suwed?
Ihs me pahn iang ie uhwong irail me kin wia me suwed kan?
17 Ma Siohwa sohte ketin wia sawasepei,
I pahn mwadangete sohrala.+
18 Ni ei nda: “I pahn kirisdier,”
Maing Siohwa, sapwellimomwi limpoak loalopwoat me koliehda.+
20 Ia duwe, mwoahl* mwersuwed ehu kak ehuong komwi,
23 E pahn ketin kapwuredohng irail, arail wiewia suwed kan.+
E pahn ketin kasohrehkinirailla* pein ar wiewia suwed.