Melkahka kan
KELIMAUN PWUHK
(Melkahka kan 107-150)
107 Kumwail kapingkalahngan ong Siohwa, pwehki ih me kupwur mwahu;+
Sapwellime limpoak loalopwoat me poatopoat.+
2 Irail akan me Siohwa ketin kasapahldo* en nda met,
Irail akan me e ketin kasapahldo sang nan pehn* imwintihtio,+
3 Irail akan me e ketikipene sang nan sahpw akan,+
Sang palimese oh sang palikapi,*
Sang paliepeng oh sang palieir.+
4 Re kohkohseli nan sapwtehno, nan sahpw ehu me sohte towe;
Re sohte diarada elen kolahng kahnimw ehu, wasa me re kak kousoan ie.
5 Re duhpeklahr oh men nimpildahr;
Re lipwongmaskilahr ar pwangada.
7 E ketin kahluwa irail pwe ren alu nan ahl me pwung+
Pwe ren kohla nan kahnimw ehu wasa me re kak kousoan ie.+
8 Aramas akan en kapingkalahngankihong Siohwa+ sapwellime limpoak loalopwoat
Oh sapwellime wiewia kapwuriamwei kan me e kin ketin wiahiong aramas akan.+
9 Pwe e ketin kanimpilehki me men nimpil kan
Oh ketin katungoalehki me duhpeklahr kan soahng mwahu kan.+
10 Ekei kin mi nan wasa me keieu rotorot,
Re kin sensel oh wie lokolok nan selmete kan.
11 Pwe re uhwongada mahsen en Koht;
Re mwamwahlikihla sapwellimen Wasa Lapalahpie kaweid.+
12 E ketin kahrehiong irail en aktikitikla ni eh ketin mweidohng ren lokolok;+
Re dipekelekel, oh sohte me sewese irail.
13 Re likweriong Siohwa peki sawas nan ar apwal;
E ketin doareirailsang nan ar lokolok.
14 E ketikinirailsang nan wasa me keieu rotorot,
Oh e ketin kamweidpeseng ar selmete kan.+
15 Aramas akan en kapingkalahngankihong Siohwa sapwellime limpoak loalopwoat+
Oh sapwellime wiewia kapwuriamwei kan me e kin ketin wiahiong aramas akan.
16 Pwe e ketin karangkedier wenihmw prons kan
Oh ketin pelehpeseng metehn kateng wenihmw kan.+
18 Re sohla men mwenge douluhl;
Re kerenlahng ni ewen kelen mehla.
19 Re kin likweriong Siohwa peki sawas nan ar apwal;
E kin ketin doareirailsang nan ar lokolok.
20 E kin ketikihdo sapwellime mahsen oh kamwahwihirailla+
E kin ketin kapitirailsang nan pwoahr me re lidipdi loale.
21 Aramas akan en kapingkalahngankihong Siohwa sapwellime limpoak loalopwoat
Oh sapwellime wiewia kapwuriamwei kan me e kin ketin wiahiong aramas akan.
22 Ren meirongki meirong en kapingkalahngan+
Oh ni ar weriwerki peren, ren lohki sapwellime wiewia kan.
23 Irail akan me kin dake sohp seiseiloakseli nan sehd kan,
Me kin wiewiaseli ar pesines nan pihl laud kan,+
24 Re kilangehr sapwellimen Siohwa wiewia kan
Oh sapwellime wiewia kapwuriamwei kan nan madau;+
25 Duwen eh kin ketin mahsen a melimel kin wiawi,+
Oh kin kamwakidada ilok en sehd.
26 Sehla kan kin kohda nan wehwe;
Re kin kohdi pah nan wasa loal kan.
Ar eimah* kin sosohrala pwehki kahpwal kan me kohkohdo.
28 Irail eri kin likweriong Siohwa nan ar apwal,+
Oh e kin ketin kapitirailsang nan ar lokolok.
29 E kin ketin kamwelehdi melimelo;
Ilok en sehdo ahpw kin meleileidi.+
30 Re ahpw kin perenda ni mepwukat eh mwelehdi,
Oh e kin ketin kahluwairailla ni wap me re men seiloakla ie.
31 Aramas akan en kapingkalahngankihong Siohwa sapwellime limpoak loalopwoat
Oh sapwellime wiewia kapwuriamwei kan me e kin ketin wiahiong aramas akan.+
32 Irail en kawauwih ih nan mwomwohdisohn aramas akan,+
Oh ren kapinga ih rehn pwihn en* ohl mah kan.
33 E kin ketin kawekiong pillap akan ni sapwtehn ehu
Oh utuhnpihl akan ong ni pwehl madekeng,+
34 E kin ketin kawekiong sahpw pwelmwahu ong ni sapwtehn en soahl,+
Pwehki suwed en irail akan me kin koukousoan wasao.
35 E kin ketin kawekiong sapwtehn ong ni lepin lehn ahlek,
Oh sahpw madekeng ong ni utuhnpihl.+
36 E kin ketin kahrehiong me duhpekla kan ren kousoan wasao,+
Pwe ren kauwada kahnimw ehu wasa me re kak kousoanla ie.+
37 Re kin kamwarak werentuhke kan nan mwaht akan oh padokedi mwetin kreip kan+
Me kin kapwarehda wah mwahu tohto.+
38 E kin ketin kapaia irail oh re kin uhdahn tohtohla;
E sohte kin ketin mweidohng neirail kou kan en malaulaula.+
39 Ahpw irail kin pwurehng malaulaula oh namenekla
Pwehki kahpwal, kalokolok, oh pahtou.
40 E kin ketin kanamenekihala me lapalap akan
Oh kin ketin wiahiong ren kohkohseli nan wasa tehn kan me sohte ahl.+