Melkahka kan

Koulen Kohkohdalahng ni Kahnimwo.*

120 I likweriong Siohwa nan ei apwal+

Oh e ketin sapeng ie.+

2 Maing Siohwa, komw ketin doareiehsang kilin au likamw

Oh loh me kin widing.

3 Kowe loh me kin widing,+

Dahme Koht pahn ketin wiahiong uhk, oh ia duwen Eh pahn ketin kalokeiuk?*

4 Nein sounpei men arep keng kan+

Oh mwoalus mwehl+ en tuhke* me pahn kalokeiuk.

5 Meid suwediong ie, pwe I kin kousoan nan Mesek+ nin duwen mehn liki men!

I kin kousoan nanpwungen impwal kan nan Kedar.+

6 I kin kousoan ahnsou reirei

Rehn irail akan me kin kailongki popohl.+

7 I mwahuki popohl, ahpw ni ei kin koasoia popohl,

Re mwahuki mahwen.