Melkahka kan
Ong sounpihtih keseng. En Depit melkahka.
109 Maing Koht me I kin kapinga,+ komw dehr ketin nennenweite.
2 Pwe me suwed oh me widing kan kin uhwong ie ni ar lokaia kan.
Re kin kinehsang ie likamw.+
3 Re kin kapiliepene oh ndaiong ie lokaia kamedek kan,
Oh re kin peiong ie ni soh kahrepe.+
4 Re kin dupungkihong ie ei limpoak ni ar pelian ie;+
Ahpw I kin pousehlahte kapakap.
9 Nah seri kan* en sepwoupwoula,
Oh eh pwoud en liohdihla.
10 Nah seri kan* en wiahla sounpekipek kei me kin kohkohseli,
Raparapahki mwenge sang ni imwarail kan me ohla.
11 Me e pweipwandohng en adihasang* mehkoaros me e ahneki,
Oh mehn keiru kan en kulihasang eh kepwe kan.
12 Aramas en dehr kadekohng ih,*
Oh aramas en dehr kasalehiong nah seri sepwoupwou kan kadek kalahngan.
13 Kadaudoke kan en kasohrala;+
Adarail kan en irihrsang erein arail dih.
14 Siohwa en ketin tamataman sapwung me seme mehn mahs ako wiahda,+
Oh en dehr ketin irisasang dipen eh nohnou.
15 Siohwa en ketin tamataman dahme re wiadahr;
Oh en ketikihsang katamanparail nin sampah.+
16 Pwe e kin manokehla kasalehda kadek,*+
Ahpw e kin pousehlahte raparapahki aramas me lokolok,+ semwehmwe oh nan kapehd tikitikla
Pwe en kemehla.+
17 E kin perenki keriahla meteikan, kahrehda ih met me lelohng ih;
E sohte kin men kapaia meteikan, kahrehda e sohte alehdi kapai.
18 E likawihada keria kan duwehte eh likou
Oh keria kan pwurolong nan paliwere rasehng pihl,
Lel ni tih kan rasehng leh.
19 Eh keria kan en rasehng likou me e kin pwainkihdi pein ih+
Oh rasehng kateng me e kin pirapirki ahnsou koaros.
20 Ih met me Siohwa kin ketin dupungkihong mehmen me kin pelian ie+
Ong irail akan me kin ndaiong ie soahng suwed kan.
21 Ahpw Maing Siohwa, Kaun Wasa Lapalahpie,
Komw ketin sewese ie pwehki mwaromwi.+
Komw ketin kapitiehla pwehki sapwellimomwi limpoak loalopwoat me mwahu.+
23 I sosohrala rasehng mwete me sosohrala;
I duwehte loukust men me sipedeksang ni likou ehu.
24 Pwukiei kat luwetkilahr kaisihsol;
Paliwereiet tihtilahr, oh I luhluwetala.*
25 I wialahr ar mehn kapailok.+
Ni ar kin kilang ie, re kin itik moangarail kan.+
26 Maing Siohwa ei Koht, komw ketin sewese ie;
Komw ketin doarehkiniehla sapwellimomwi limpoak loalopwoat.
27 Ren ese me met sang nin limomwi;
Me komwi me ketin wiahda met, Maing Siohwa.
28 Ren kerieiehla, ahpw komwi en ketikihda kapai,
Ren namenekla ni ar uhda uhwong ie,
Ahpw komw ketin mweidohng sapwellimomwi laduet en pereperen.
29 Irail me kin pelian ie en namenekla;
Ren mihla nan ar namenek duwehte ar pwuhriong nan likou reirei.*+
30 Eweiet pahn ngoangki kapinga Siohwa;
I pahn kapinga ih mwohn aramas tohto.+
31 Pwe e pahn ketin uh ni palimaunen me semwehmwe
Pwe en ketin doarehsang ih irail kan me kin kadeik ih.