Melkahka kan
Ong sounpihtih keseng. En kadaudok en Kora kan melkahka.+
49 Kumwail aramas akan koaros, kumwail rong met.
Kumwail tohnsampah* koaros, kumwail rong kanahieng,
2 Me tikitik oh me lapalap,
Me kepwehpwe oh me semwehmwe.
3 I pahn koasoia duwen erpit,
Oh madamadau loal en mohngiongi+ pahn kasalehda ei koahiek en wehwehki.
4 I pahn tehk kanahieng lepin padahk ehu;
I pahn kawehwehda ei kahk ni ei kesekesengki arpo.
5 Dahme I pahn masangki ni ahnsou apwal akan,+
Ni irail me kin songosong en kauweiehla ar kin kapilkiniepene wiewia suwed* kan?
6 Irail me kin likih ar kepwe,+
Oh irail me kin suweiki ar dipwisou kesempwal tohto kan,+
7 Sohte emen irail kak pwainda sapahl aramas emen
De patohwanohng Koht pweinen pweipwei sapahl ong aramaso,+
8 (Pweinen pweipwei sapahl me re pahn kihda ong ar mour* me uhdahn pweilaud,
Kahrehda re sohte mwahn pahn kak kihda);
10 Re kin kilang me pil aramas loalokong kin mehla;
Me pweipwei oh me sohte kin madamadau pil kin sohrala,+
Oh re kin pwilikihdiong meteikan ar kepwe kan.+
11 Re kin men imwarail kan en mihmi kohkohlahte,
Imwarail impwal kan en mihmi sang ehu dih lel ehu dih.
Re kin kihong eden sapwarail kan adarail kan.
13 Ih met elen me pweipwei kan+
Oh irail akan me kin idawehn irail, me kin perenki ar koasoi mwahl akan. (Selah)
14 Re kileldier rasehng sihpw me pahn kolahng nan Sousou.*
Mehla pahn wia sileparail;
Me pwung pahn kaunirailda+ nimenseng.
15 Ahpw Koht pahn ketin pwainiehda sapahl sang pahn manaman en* Sousou,*+
E pahn ketin kapitiehla. (Selah)
16 Ke dehr masak ma aramas emen kepwehpwehla,
Oh lingan en imweo wie lalaudla,
17 Pwe e sohte kak wahda met ni eh pahn mehla;+
Eh lingan sohte pahn iang ih kohdihla nan sousou.+
18 Pwe erein eh mour, e kin kapinga pein ih.+
(Aramas kin kapingaiuk ni omw kin pweida.)+
19 Ahpw ni imwila, e pahn iang patehng dih en seme mehn mahs ako.
Re sohte mwahn pahn pwurehng kilang marain.
20 Aramas emen me sohte kin wehwehki met, mehnda ma e waunla,+
E duwehte mahn akan me kin mehla.