Melkahka kan
Ong sounpihtih keseng. Koul pwoat. Melkahka pwoat.
66 Kumwail aramas koaros nin sampah, kumwail weriwerki ngilen kana ong Koht.+
2 Kumwail koulki koulen kaping kan* ong mware me lingan.
Kumwail wiahiong kapingpe en linganla.+
3 Kumwail patohwanohng Koht: “Ia uwen kapwuriamwei en sapwellimomwi doadoahk kan!+
Pwehki sapwellimomwi manaman lapalap,
Sapwellimomwi imwintihti kan pahn rerrer mwohn silangomwi.+
4 Aramas koaros nin sampah pahn poaridiong komwi;+
Re pahn koulkihong komwi koulen kaping kan;
Re pahn koulki koulen kaping kan ong mwaromwi.”+ (Selah)
5 Kumwail patohdo oh udiahl sapwellimen Koht doadoahk kan.
Sapwellime wiewia kan ong aramas akan me kapwuriamwei.+
Se perenda wasao pwehki dahme e ketin wiahiong kiht.+
7 E kin ketin kaunda kohkohlahte+ sang ni sapwellime manaman.
E kin ketin mahmahsanih wehi kan.+
Irail akan me kin keptakai en dehr pein kasapwilirailda.+ (Selah)
8 Kumwail aramas akan, kumwail kapinga at Koht,+
Aramas koaros en rong me kaping kin kohwong ih.
10 Pwe Maing Koht, komw ketin kasawihkitier;+
Duwehte silper eh kin kamwakelda, ih duwen omw ketin kamwakeleikitda.
11 Komw ketin kolkitedier nan sapwellimomwi uhko;
Komw ketikidier poht* wisik toutou ehu.
12 Komw ketin mweidalahr aramas ren tangada poht;*
Se weweidier nan kisiniei oh pihl;
Komwi eri ketin kahluwaikitalahng nan wasa kansenamwahu ehu.
13 I pahn patohwanlahng nan tehnpasomwi meirong kan me pwonte isihsla;+
I pahn kapwaiada inou kan me I kahukihong komwi+
14 Me kilin eweiet inoukihda+
Oh eweiet koasoia ni ahnsou me I mihmi nan kahpwal.
15 I pahn meirongkihong komwi meirong isihs en mahn mworourou kan
Iangahki ediniei en meirong en sihpw wol kan.
I pahn meirongki kouwol kan iangahki kuht wol kan. (Selah)
16 Kumwail koaros me kin lemmwiki Koht, kumwail kohdo oh rong,
Oh I pahn koasoiaiong kumwail dahme e ketin wiahiongieier.+
17 I patohwan likwerkihong ih eweiet
Oh kalinganahkihda ih loweiet.
18 Ma I kolokolete mehkot suwed nan mohngiongi,
Siohwa sohte pahn ketin karonge ie.+
20 Kaping en kohwong Koht, me sohte ketin soikala ei kapakap
De irehdihsang ie sapwellime limpoak loalopwoat.