Aiseia

“Kilang! Damaskus sohla pahn wia kahnimw ehu,

Oh e pahn wiahla koasoakoasoak en mohn kahnimw ehu.+

 2 Kahnimw kan en Aroer+ pahn lekdekla;

Re pahn wiahla wasahn en pelinmen kan wendi

Oh sohte me pahn kamasak irail.

 3 Kahnimw kehl kehlail kan pahn sohrala sang Epraim,+

Oh wehio sang Damaskus;+

Oh irail me luhwehdi Siria

Pahn duwehla lingan en mehn Israel kan,”* Siohwa kaunen karis en sounpei me ketin mahmahsen.

 4 “Rahno lingan en Seikop pahn tikitikla,

Oh eh paliwar roson* pahn tihtihla.

 5 E pahn rasehng ahnsou me soundondol men kin rikirikpene krein kesihnen kan

Oh dondolung kadoken krein,

Duwehte emen eh kin rik krein nan Wahun* Repaim.+

 6 Ihte me luhwehdi kan me pahn mihmihte,

Duwehte ni ahnsou me tuhke olip pwoat itiht:

Ihte olip mah riau de siluh me luhwehdi pohn rah me keieu ile,

Ihte meh pahieu de limau luhwe pohn rah kan me kin wa,”+ Siohwa, Koht en Israel me ketin mahmahsen.

 9 Rahno eh kahnimw kehl kehlail kan pahn duwehla wasahn kousoan kan me lekdeklahr nanwel,+

Rasehng rah pwoat me lekdekla mwohn mehn Israel kan;

E pahn wiahla wasa tehn ehu.

10 Pwe ke manokelahr Koht,+ sounkomourpomw;

Ke sohte tamataman Paipo,+ imwomw ihmw laud kehl kehlailo.

Ihme kahrehda ke wiahda mwetuwel kaselel* kan

Oh padokedi pons en sahpw teikan.*

11 Ni rahn me ke kelepene omw mwetuwelo ni keneinei,

Nimenseng ke wiahiong omw werentuhkeo en wosada,

Ahpw ahnsoun dolung pahn sohrala ni rahnen soumwahu oh medek me sohte kak mwahula.+

12 Rong! Mie mwoarong en aramas tohto,

Me katairong duwehte sehd kan!

Mie mwoarong en wehi kan,

Me ngilarail duwehte ngiringirisek en ilok laud kan!

E pahn ketin angiangih irail, oh irail pahn tang kohla wasa doh,

Re pahn tang rasehng kilin krein en nahna kan nan kisinieng ehu,

Rasehng dihpw tekatek madekeng ehu* me piripirseli nan kisinieng en melimel ehu.

Ih met pwais en irail me adihasang kitail

Oh sohso en irail me kulih kitail.