Melkahka kan
En Asap melkahka.+
50 Siohwa, Koht en koht akan,+ ketin mahsenier;
E kin ketin malipe tohnsampah
Sang wasa me ketipin kin dakada ie lel wasa me e kin kihrla ie.*
2 Koht ketin kamarainihada wasa sang Saion, me lingan unsek.+
3 Atail Koht pahn ketido, oh e sohte kak ketin nennenweite.+
Mwohn silangi iei mpwulen kisiniei me kin kamwomwala wasa,+
Oh melimel kehlail ehu kin kapilpene ih.+
5 “Kumwail kapokonedohng ie nei aramas loalopwoat akan,
Irail me kin wiahiong ie inou lap sang ni meirong.”+
6 Nanleng kin lohki sapwellime pwung,
Pwe pein Koht wia Sounkopwung men.+ (Selah)
7 “Kumwail nei aramas akan, kumwail rong, oh I pahn koasoi;
Israel, I pahn kedipeiuk.+
Ngehi me Koht, omw Koht.+
8 I sohte panawihiuk pwehki omw meirong kan,
De pil pwehki omw meirong kan me pwonte isihsla me kin mihmi mwohn silangi ahnsou koaros.+
10 Ngehi me naineki mahn lawalo en nanwel koaros,+
Oh pil mahn akan me kin mi pohn nahna kid kan.
11 I ese menpihr en nahna kan koaros;+
Ngehi me naineki mahn tohtohie nan mohs akan.
12 Ma I men mwengehda, I sohte pahn ndaiong uhk,
Pwe sahpw pwelmwahu oh audepe kan koaros iei ahi.+
13 Ia duwe, I pahn tungoale uduk en kouwol kan
Oh nim ntahn kuht kan?+
14 Kasalehda kapingkalahngan duwehte omw meirong ong Koht,+
Oh kapwaiada omw inou kan me ke kahukihla ong Wasa Lapalahpie.+
15 Likwerih ie ni ahnsou apwal.+
I pahn doareiukala, oh ke pahn kalinganeiehla.”+
16 Ahpw Koht pahn ketin mahsanihong aramas suwed:
18 Ni omw kin kilang lipirap emen, ke kin perenkihda,*+
Oh ke kin werekiong aramas akan me kin kamwahl.
19 Ke kin doadoahngki ewomwen pwehn koasoiaseli dahme suwed,
Oh lokaia likamw kin mihmihte ni lowomwen.+
21 Ni omw wiahda mepwukat, I nennenlahte,
Eri ke medewe me I pahn duweiuk.
Ahpw met I pahn panawihiuk,
Oh I pahn koasoia ei repenpwung kan duwen kowe.+
22 Kumwail me manokehla Koht,+ kumwail menlau medewe met,
Pwe I en dehr kapisetikihkumwailpene oh sohte me pahn doareikumwailla.