Melkahka kan
Ong sounpihtih keseng; iangahki keseng sahl kan. En Depit melkahka.
4 Maing ei Koht pwung,+ komw ketin sapeng ie ni ei pahn likwer.
Komw ketin wiahda elen ei pahn pitsang* ei kahpwal.
Komw ketin kupwuramwahwih ie oh ketin karonge ei kapakap.
2 Kumwail aramas akan,* ia erein amwail pahn kin wekidohng wahupei ong ni kanamenek?
Ia erein amwail pahn kin poakohng soahng kan me sohte katepe oh rapahki dahme likamw? (Selah)
3 Kumwail en ese me Siohwa kin ketin kupwuramwahwih mehmen me kin loalopwoatohng ih;*
Siohwa pahn ketin karonge ie ni ei likweriong.
4 Kumwail lingeringer, ahpw dehr wiahda dihp.+
Ndahla dahme kumwail men nda loalamwail pohn amwail peht, oh nennenla. (Selah)
6 Me tohto kin nda: “Ihs me pahn kasalehiong kiht mehkot mwahu?”
Maing Siohwa, marain en silangomwi en dakerkitada.+
7 Komw ketin audehkihda mohngiongi peren mwuledek
Laudsang peren en irail akan me dolungada reken krein oh wain kapw.