Melkahka kan
Ong sounpihtih keseng; ong ngilen keseng “kiepw kan.” En Depit melkahka.
69 Maing Koht, komw ketin doareiehla, pwe pihl kat loaladahr, re pahn kamwopwielahr.+
2 I kihrlahr nan pwelmatak loal, sohte wasa me I kak sok ie.+
I lelehr wasa loal kan,
Oh ahden pihlo kapeielahr.+
3 I pwangahkidahr liklikwer;+
Ngileiet ngilekirlahr.
Pwoaren mesei kat ediedkilahr awiawih ei Kohto.+
Irail akan me men kemeiehla,
Ei imwintihti mwersuwed kan* tohtohlahr.
Re kin idingohng ie I en kapwurehla mehkot me I sohte pirapahda.
5 Maing Koht, komw ketin mwahngih uwen ei pweipwei,
Oh dipei sohte kin rirsang komwi.
6 Maing Kaun Wasa Lapalahpie, Siohwa kaunen karis en sounpei,
Irail akan me kin koapworopworkin komwi en dehr namenekla pwehki ngehi.
Maing Koht en Israel,
Irail akan me kin rapahkin komwi en dehr sarohdi pwehki ngehi.
8 I wiahla mehn keiru men rehn riei pwutak kan,
Mehn liki men rehn nein ei nohno seri kan.+
9 Ei ngoangki loalenohng tehnpasomwi kadireielahr douluhl,+
Oh soahng kan me aramas kin nda oh wia pwehn kepitkin komwi kin wiawihong ie.+
10 Ni ei kin aktikitingkihla ei kaisihsol,*
I kin alehdi lokaia kepweikeng.
12 Irail akan me kin mwomwohd ni ewen kelen kahnimwo kin koasoakoasoia ie,
Oh me kin kamamsakau kan kin wiahkiniehla audepen ar koul kan.
13 Ahpw Maing Siohwa, ei kapakap en lelewohng komwi,
Ni ahnsou me komw ketin kupwurki.+
Maing Koht, sang ni sapwellimomwi limpoak loalopwoat mwuledek,
Komw ketin sapeng ie oh kasalehda me komwi sounkomour likilik men.+
14 Komw ketin kapitiesang nan pwelmatako;
Komw dehr ketin mweidohng ie I en kihrla.
Komw ketin kapitiesang irail akan me kin kailongkin ie
Oh pil, pihl loal kan.+
15 Komw dehr ketin mweidohng ahden lapakeo en kapeiehla,+
De pihl loal kan en kadalleiehla,
16 Maing Siohwa, komw ketin sapeng ie, pwe sapwellimomwi limpoak loalopwoat me mwahu.+
Komw ketin sohpeidohng ie sang ni reken sapwellimomwi kadek kalahngan.+
17 Oh komw dehr ketin karirihasang sapwellimomwi ladu menet silangomwi.+
Komw ketin sapeng ie ni karuwaru pwe I milahr nan apwal.+
18 Komw ketido mpei oh kapitiehla;
Komw ketin doareiehsang* ei imwintihti kan.
19 Komw kin ketin mwahngih karaunpei, ei kin mwamwahlla oh ei kin saroh.+
Komw kin ketin mahsanih ei imwintihti kan koaros.
20 Lokaia kepweikeng kauwelahr mohngiongi, oh ohla wet sohte kak mwahula.*
I kasikasik emen en poakeiehla, ahpw sohte,+
Oh I kasikasik emen en kansenamwahwihiehla, ahpw sohte me I diar.+
23 Masarail kan en rotala pwe irail en sohte kak kilang wasa,
Oh komw ketin wiahiong pwonerail kan en wie rerrer ahnsou koaros.
24 Komw ketin wudekihdiong pohrail sapwellimomwi engieng,
Oh sapwellimomwi engieng kowahlap en koanoairaildi.+
26 Pwe re kin pwakih me komw ketin kamedekihala,
Oh re kin koasoakoasoia medek en irail kan me komw ketin kauwehla.
27 Komw ketin kapatahiong dihp pohn diparail,
Oh ren dehr iang paieki sapwellimomwi pwung.
29 Ahpw I kin lokolok oh medek.+
Maing Koht, sapwellimomwi manaman en komour en pere ie.
30 I pahn koulki koulen kaping kan ong mwaren Koht,
Oh I pahn kalinganahkihla ih kapingkalahngan.
31 Met pahn kaperenda Siohwa laudsang kouwol men,
Laudsang koupwul wol men me mie kode oh kesengen neh.+
32 Me opampap pahn kilang met oh perenda.
Kumwail me kin raparapahki Koht, mohngiongimwail kan en kehlailda.
33 Pwe Siohwa kin ketin karonge me semwehmwe,+
Oh e sohte pahn ketin mwamwahliki sapwellime aramas selidi kan.+
34 Nanleng oh sampah en kapinga ih,+
Madau kan oh audeparail kan koaros.
35 Pwe Koht pahn ketin doarehla Saion+
Oh e pahn ketin onehda sapahl kahnimw en Suda kan,
Oh re pahn kousoanla wasao oh sapwenikihla.