Keriaun Samuel
22 Oh Depit patohwanohng Siohwa mahsen en melkahka pwoatet+ ni rahn me Siohwa ketin kapitala ih sang nan pehn eh imwintihti kan koaros+ oh sang nan pehn Sohl.+ 2 E patohwan:
“Siohwa iei ei paipalap oh ei wasahn ruk kehlail+ oh Ih me ketin kapitiehla.+
3 Ei Koht iei ei paip,+ wasa me I kin rukala ie,
Oh wasa me I kin tangala ie,+ ei sounkomour;+ komwi me ketin doareiehsang tiahk lemei.
4 I kin likweriong Siohwa, me ketin warohng kaping,
Oh I pahn poadoandoarla sang ei imwintihti kan.
7 Nan ei apwal I likweriong Siohwa,+
I kin liklikweriong ei Koht,
E ahpw ketin karonge ngileiet sang ni sapwellime tehnpas sarawi,
Oh ei likwer en peksawas peilahng ni koaronge kan.+
8 Sampah tepida itikekla mwowe oh mwuri oh rerada;+
Poahsoan kan en nanleng mwekidada+
Oh kin itikekla mwowe oh mwuri pwehki eh ketin engiengdahr.+
9 Ediniei kusukusdahsang nan sapwellime keinuhnu,
Kisiniei me kin kamwomwala wasa kohieisang nan doauese;+
Mwoalus okohk lul sang reh.
11 E ketin dake kerup men+ oh ketin pipihr kohdo.
E ketin pwarodo ni eh ket pohn pehnpihr en ngehn emen.*+
12 E ahpw ketin kapilkipene ih rotorot duwehte impwal ehu,+
Nan pihl rotorot oh depwek mosul.
13 Mwoalus okohk lullul sang ni marain me mi mwohn silangi.
15 E ketin kadar sapwellime arep kan+ oh katangairailpeseng;
Ei, e ketin wiahiong lioal en piripir oh kapingirailda.+
16 Nan kepin sehdo sansalda;+
Oh poahsoan en sahpwo sansalkihda sapwellimen Siohwa peneu,
Sang ni angin esingek kehlail en sapwellime keinuhnu.+
17 E ketin kapahdihdo nin lime sang wasa ile;
E ketin koliehdi oh waikiehda sang nan pihl loal.+
18 E ketin kapitiesang ei imwintihti kehlail kan,+
Sang irail kan me kin kailongkin ie, me kehlailsang ie.
19 Re uhwong ie ni rahnen ei apwal,+
Ahpw Siohwa iei sawasepei.
21 Siohwa kin ketin katingih ie nin duwen ei kin wia me pwung;+
E kin ketin dupukohng ie nin duwen mwakelekel en pehi kat.+
22 Pwehki ei kin kolokol elen Siohwa,
Oh ei sohte kin wia wiewia mwersuwed oh kesehla ei Koht.
25 Siohwa en ketin dupukohng ie nin duwen ei kin wia me pwung,+
Nin duwen ei mwakelekel mwohn silangi.+
26 Komw kin ketin loalopwoatohng mehmen me kin loalopwoatohng komwi;+
Sohte karaunpomwi ong aramas kehlail me sohte karaunpe;+
27 Ong me mwakelekel, komw kin ketin kasalehda omwi mwakelekel,+
Ahpw ong me mwersuwed, komw kin ketin mwekid ni loalokong.*+
28 Pwe komw kin ketin doarehla me aktikitik kan,+
Ahpw silangomwi kin uhwong me aklapalap kan, oh komw kin ketin kasapwiliraildi.+
30 Pwehki sapwellimomwi sawas, I kak uhwongada pwihnen aramas loallap ehu,
Pwehki sapwellimen Koht kehl, I kak dauredi kehl ehu.+
E ketin wia mehn sansar ehu ong irail koaros me kin rukula reh.+
32 Pwe ihs me Koht palilahsang Siohwa?+
Oh ihs me paip likin atail Koht?+
34 E kin ketin wiahiong nehi kat en duwehla nehn tie men;
E kin ketin wiahiong ie I en kesihnen pohn wasa ileile kan.+
35 E kin ketin kaiahnehda pehi kat ong mahwen;
Pehi kat kak kadangpeseng kesik ketieu prons.
36 Komw kin ketikihong ie sapwellimomwi mehn sansar en komour,
Oh sapwellimomwi aktikitik kin kalinganeiehla.+
38 I pahn pwakih ei imwintihti kan oh kamwomwirailla;
I sohte pahn pwurodo lao irail sohrala.
39 Oh I pahn kasohreirailla oh kamwuteirailpene, pwe ren dehr pwourda;+
Re pahn pwupwudiong pahn nehi kat.
40 Komw pahn ketikihong ie kehl ong mahwen;+
Komw pahn ketin wiahiong ei imwintihti kan en pwupwudiong pahi.+
42 Re kin likwer peksawas, ahpw sohte emen me pahn doareirailla;
Re pil kin likweriong Siohwa, ahpw e sohte kin ketin sapeng irail.+
43 I pahn sukirailpene pwe ren mwutpene duwehla pwelpar en sampah;
I pahn kamwutepene oh tiakiraildi duwehte pwelmatak nanial akan.
44 Komw pahn ketin doareiehsang ei aramas akan me kin kauwe ie.+
45 Mehn liki kan pahn kohdo poaridi mwohi ni masak;+
Dahme re kin rong duwen ngehi pahn kahrehiong ren peikiong ie.*
46 Mehn liki kan pahn sohla eimah;*
Re pahn rerrer kohdo sang arail wasahn ruk kehlail kan.
47 Siohwa ketin ieias! Kaping ong ei Paip!+
Ei Koht, paip en komour en ketin lapalapala.+
48 Koht mehlelo kin ketin ikihong ei imwintihti kan;+
E kin ketin kahrehiong aramas akan en lohdi pahi;+
49 E kin ketin doareiehsang ei imwintihti kan.
50 Ihme kahrehda, Maing Siohwa, I pahn patohwanohng komwi kalahngan nan wehi kan,+