Melkahka kan
Ong sounpihtih keseng; me pid duwen Mwod-lahpen.* En Depit melkahka.
א [Aleph]
9 Maing Siohwa, I pahn patohwan kapinga komwi nan ei mohngiong unsek;
I pahn patohwan koasoia sapwellimomwi wiewia kapwuriamwei kan koaros.+
2 I pahn perenda pwehki komwi;
Maing Wasa Lapalahpie, I pahn koulki koulen kaping kan* ong mwaromwi.+
ב [Beth]
3 Ni ei imwintihti kan ar pweiekla,+
Re pahn dipekelekel oh sohrasang mwohn silangomwi.
4 Pwe komw kin ketin utung ei pwuhng oh ei repenpwung;
Komw ketidi nan mwoalomwi oh kadeik ni pwung.+
ג [Gimel]
5 Komw ketin angiangiher tohnwehi kan+ oh kamwomwalahr me suwed kan,
Oh irisasang adarail kan kohkohlahte.
6 Imwintihti kan sohralahr kohkohlahte;
Komw ketin usadahr ar kahnimw kan,
Oh katamanparail koaros pahn sohrala.+
ה [He]
7 Ahpw Siohwa ketidier nan mwoale kohkohlahte;+
E ketin koasoanehdi teng mwoale pwehn wia kopwung me pwung.+
ו [Waw]
10 Irail kan me patohwan ese mwaromwi pahn kin likih komwi;+
Maing Siohwa, komw sohte mwahn pahn ketin likidmeliehla irail kan me kin raparapahkin komwi.+
ז [Zayin]
11 Kumwail koulki koulen kaping kan ong Siohwa me ketiket nan Saion;
Kumwail kehsehki aramas akan sapwellime wiewia kan.+
ח [Heth]
13 Maing Siohwa, komw ketin kupwuramwahwih ie; komw ketin mahsanih ei lokolok sang irail akan me kin kailongkin ie,
Komwi me ketin pwekiehda sang ni ewen kelen mehla,+
14 Pwe I en lohki sapwellimomwi wiewia kan me warohng kaping ni ewen kelen kahnimw en Saion,*+
Oh perenda pwehki sapwellimomwi wiewiahn komour kan.+
ט [Teth]
15 Tohnwehi kan suhredier nan pwoahr me re wiahda;
Nehrail kan lohdier nan uhk me re ekihla.+
16 Aramas akan kin esehki Siohwa kadeik me e kin ketin wia.+
Me suwed men kin lohdi nan lidip me pein peh kan kin wiahda.+
Ikkeion.* (Selah)
י [Yod]
17 Me suwed kan pahn pweieklahng Sousou,*
Tohnwehi kan koaros me manokehla Koht.
18 Ahpw me semwehmwe sohte pahn manokonokla ahnsou koaros;+
De pil koapworopwor en me opampap sohte pahn sohrala.+
כ [Kaph]
19 Maing Siohwa, komw ketida! Komw dehr ketin mweidohng aramas en kana.
Tohnwehi kan en pakadeikda mwohn silangomwi.+
20 Maing Siohwa, komw ketin kamasak irail,+
Tohnwehi kan en ese me re wiahte aramas ekei. (Selah)