Melkahka kan
78 Nei aramas akan, kumwail rong ei kosonned;*
Kumwail rong kanahieng dahme I pahn nda.
2 I pahn koasoiahda lepin kahs ehu.
I pahn kasalehda kahk en mahs ako.+
3 Soahng kan me kitail rongehr oh eseier,
Me atail pahpa ko koasoiaiongkitailehr,+
4 Kitail sohte pahn ekihsang neitail seri kan;
Kitail pahn padahkihong dih en mwuhr kan+
Sapwellimen Siohwa wiewia kan me warohng kaping oh sapwellime kehl,+
Soahng kapwuriamwei kan me e ketin wiadahr.+
5 E ketikihong Seikop koasoandi ehu*
Oh e ketin kauwada kosonned ehu nan Israel;
E ketin kehkehlingkihong samatail mehn mahs ako
Ren padahkihong neirail seri kan mepwukat.+
6 Pwe dih en mwuhr kan,
Seri kan me pahn ipwidi, en kak ese mepwukat.+
Re pahn uhd padahkihong neirail seri kan.+
7 Irail ahpw pahn likihala Koht.
Re sohte pahn manokehla sapwellimen Koht wiewia kan+
Ahpw re pahn kapwaiada sapwellime kehkehlik kan.+
8 Eri, re sohte pahn duwehte samarail mehn mahs ako,
Dih keptakai oh kahngohdi ehu,+
Dih ehu me kin kalapw wekiwekid ar madamadau*+
Oh loalarail* sohte kin lelepek ong Koht.
9 Mehn Epraim kan weuwa neirail kesik ketieu,
Ahpw re tangdoaui ni rahnen mahweno.
11 Re pil manokehla dahme e ketin wiadahr,+
Sapwellime wiewia kapwuriamwei kan me e ketin kasalehiong irail.+
12 E ketin wiahda soahng kapwuriamwei kan mwohn mesen samarail mehn mahs ako,+
Nan sapwen Isip, nan Soan.+
13 E ketin pwalangpeseng sehdo pwe ren kotehla,
Oh e ketin wiahiong pihl kan en uhda rasehng dihd ehu.+
14 E ketin kahluwahkin irail pelien depwek ehu nin rahn
Oh pwohng ehu pwon, marain en kisiniei ehu.+
15 E ketin pwalangpeseng paip kan nan sapwtehno,
Oh mweidohng ren nimpil lao re medla duwehte ma re nimpil sang nan pihl loal kan.+
16 E ketin kakusieisang pihl nan paipalap ehu
Oh e ketin kahrehiong pihl kan en pwilipwilwei rasehng pillap kan.+
17 Ahpw re kin usehlahte wiewia dihp ong ih
Ni ar uhwongada Wasa Lapalahpie nan sapwtehno.+
18 Re nsenki kasonge Koht,+
Ni ar ngihtehtehki ren ale mwenge me re men kang.
19 Re tepida kaulime Koht,
Patohwan: “Koht kak ketin kaunopada tehpel ehu nan sapwtehno?”+
20 Kilang! E ketin poakih paip ehu
Pwe pihl akan en pwilipwiliei oh piletik kan en wudekieisang.+
“E pil kak ketikihong kitail pilawa,
De e kak ketikihong sapwellime aramas akan uduk?”+
21 Ni Siohwa eh ketin karongeirailda, e ketin engiengda;+
Kisiniei ehu+ lullahng Seikop
Oh sapwellime engieng pahn Israel laudla+
22 Pwehki re sohte pwosonla Koht;+
Re sohte likih sapwellime kehl en doareirailla.
23 Eri, e ketin ruwese depwek kan pahnlahng,
Oh e ketin ritingada wenihmw en nanleng kan.
25 Aramas akan eri tungoale kenen me kehlail kan* pilawa;+
E ketikihong irail uwen me re kak medkihla.+
26 E ketin kamwakidada kisinieng en palimese pahnlahng
Oh e ketin kahrehiong kisinieng en palieir en ipihpseli sang ni sapwellime manaman.+
27 Oh e ketin kamwerehdiong pohrail uduk rasehng pwelpar,
Menpihr kan rasehng pihk en ni oaroahr kan.
28 E ketin wiahiong ren pwupwudi nanpwungen arail* kahnimpwal,
Oh kapilpene arail* impwal kan koaros.
29 Oh re mwenge oh medla douluhl;
E ketikihong irail dahme re inengieng.+
30 Ahpw ni ar saikinte itarki dahme re men kang,
Nindoken mwenge kan eh mihmihte nan awarail kan,
31 Koht ahpw ketin engiengda pahrail.+
E ketin kemehla neirail ohl keieu kehlail kan;+
E ketin kemehla mwahnakapw en Israel kan.
33 Eri, e ketin kaimwisekala rahn akan me re momourki rasehng esingek ehu,+
Oh sounpar kan me re momourki mwadangete uhdi sang ni kahpwal kan.
34 Ahpw ni eh kin ketin kemehla ekei irail, re kin rapahki ih;+
Re kin pwurodo oh rapahki Koht,
35 Re kin tamanda me Koht iei arail Paip+
36 Ahpw re kin song widingehki ar lokaia kan
Oh re kin lokaia likamw ong ih ni ar doadoahngki lowarail kan.
38 Ahpw ih me ketin kadek kalahngan;+
E kin ketin mahkohng* ar sapwung oh sohte ketin kamwomwirailla.+
Pak tohto e kin ketin koledi sapwellime engieng+
Oh e sohte kin ketin kasalehda sapwellime engieng koaros.
39 Pwe e ketin tamataman me irail wiahte aramas kei,*+
Kisinieng ehu me kin ipiwei oh sohte pwurodo.*
42 Re sohte tamataman sapwellime manaman,*
Oh rahn me e ketin kapitirailla* sang imwintihtio,+
43 Duwen eh ketin kasalehda sapwellime kilel kan nan Isip+
Oh sapwellime manaman kapwuriamwei kan nan sapwen Soan,
44 Oh duwen eh ketin wekidohng dahu en Nail kan ni nta+
Pwe ren sohte kak nimpil sang nan ar piletik kan.
45 E ketin kadarpeseng mwutumwut en loahng kan pwe ren kadalleirailla+
Oh kairu kan pwe ren kauweirailla.+
46 E ketikihong loukust mehwo kan wahn sapwarail kan,
Oh mwutumwut en loukust kan wahn ar doadoahk kan.+
48 E ketin kamwerehdi keteu aihs takai pohn neirail mahn en wisik kan+
Oh ketin kadarohng neirail pelinmen kan piripir en lioal.*
49 E ketin kadarodo mpwulen sapwellime engieng pohrail,
Engieng kowahlap oh kahpwal.
E ketin poaronehdo pwihn en tohnleng kei me wahdo kahpwal.
50 E sohte ketin katokehdi sapwellime engieng.
E sohte ketin kapitirailsang mehla;
E ketin mweidiraillahng* nan soumwahu lusulus.
51 Ih eri ketin kemehla mesenihen Isip koaros,+
Tepin arail kehl en kaparapar nan impwal en Ahm kan.
52 Ih eri ketin kahluwaieila sapwellime aramas ako+
Oh ketin kaukaweid irail rasehng pelinmen ehu nan sapwtehno.
53 E ketin kahluwa irail ni onepek mwahu,
Oh re sohte masak mehkot;+
Sehdo pwaindi arail imwintihti ko.+
54 E ahpw ketin wairaildo nan sapwellime sahpw sarawio,+
Wasa nahnahn wet me e ketin kalowehkihdi palimaun en nin lime.+
55 E ketin kasarehsang wehi kan mwohrail;+
Oh e ketin nehkohng irail ar sohso sang ni selen sosohng;+
E ketin koasoanehdi keinek en Israel ko nan imwarail kan.+
56 Ahpw re kin usehlahte kasonge Koht Wasa Lapalahpie, oh kin uhwongada ih;+
Re sohte kin tehk sapwellime mehn kataman kan.+
57 Re pil sohpeila oh re kin widing duwehte samarail mehn mahs ako.+
Re sohte likilik rasehng selin kesik ketieu ehu me sohte teng.+
58 Re kin usehlahte kalingeringerihkihda ih ar wasa ile kan,+
Oh re kin kahrehiong en ketin engiengkihda kowahlap* ar sansal perperda kan.+
59 Koht ketin karonge oh engiengda,+
Kahrehda e ketin soikala douluhl Israel.
61 E ketin mweidala kilel en sapwellime kehl en lohdi;
Sapwellime lingan en kolahng nan pehn imwintihtio.+
62 Oh e ketin mweidohng sapwellime aramas akan ren mehkihla kedlahs+
Oh e ketin engiengda pahrail.
63 Kisiniei isikala sapwellime mwahnakapw kan,
Oh sohte me koulkihong sapwellime serepein kan koulen kapwopwoud.*
66 Ih eri ketin katangapeseng sapwellime imwintihti kan;+
E ketin kanamenekihirailla kohkohlahte.
67 E ketin soikala impwal en Sosep kan;
E sohte ketin pilada keinek en Epraim.
69 E ketin wiahiong sapwellime wasa sarawio en poatopoat duwehte nanleng,*+
Duwehte sampah me e ketin koasoanehdi teng kohkohlahte.+