Sounkopwung kan
5 Rahno Depora+ oh Parak+ nein Apinoham koulki koul pwoatet:+
2 “Pwehki sounpei kan nan Israel me sohte kihpene pitenmoangarail,*
Pwehki aramas akan me pein toukihda irail,+
Kapinga Siohwa!
3 Kumwail nanmwarki kan, kumwail rong! Kumwail kaun akan, kumwail rong kanahieng!
I pahn kouliong Siohwa.
I pahn koulki koulen kaping kan* ong Siohwa,+ Koht en Israel.+
4 Siohwa, ni omwi ketisang Seir,+
Ni omwi ketin karis sang sapwen Edom,
Sampah rerada, oh nanleng kamwerehdi pihl,
Depwek kan kamwerehdi pihl.
5 Nahna kan peipeseng* mwohn silangin Siohwa,+
Sainai pil peipeseng mwohn silangin Siohwa,+ Koht en Israel.+
6 Ni mwehin Sahmkar+ nein Anad,
Ni mwehin Sael,+ ahl akan tehnla;
Sounseiloak kan kin keid nan kisin ahl akan.
7 Tohn kisin kahnimw en Israel kan sohla mie;
Re sohla mie lao ngehi, Depora+ pwarada,
Lao I pwarada nin duwen nohno men nan Israel.+
Mehn sansar de pil ketieu solahr kak dierek,
Rehn ohl 40,000 nan Israel.
9 Ei mohngiong kin ieiang kaunen sounpei kan en Israel,+
Me toukihda pein irail oh iangada aramas ako.+
Kapinga Siohwa!
10 Kumwail me dake dongki poh pwehl kan,
Kumwail me mwohd pohn karped kaselel kan,
Oh kumwail me keid nanial,
Kumwail medemedewe!
11 Ngilen sounidipil kan peipeido sang ni wasahn idipil kan;
Re kin koasoia duwen wiewia pwung kan en Siohwa wasao,
Wiewia pwung kan en sapwellime tohn kisin kahnimw en Israel kan.
Sapwellimen Siohwa aramas akan ahpw pahn kohdihla ni ewen kehl kan.
12 Pwourda, pwourda, Depora!+
Pwourda, pwourda, koulki apwoat koulen!+
Uhda, Parak!+ Kahluwawei noumw me selidi kan, kowe nein Apinoham!
13 Irail me luhluhwe ahpw kohdihdo rehn me lapalap akan;
Sapwellimen Siohwa aramas akan kohdihdo rehi en peiong me kehlail kan.
14 Irail kohsang Epraim, irail me mi nan wahwo;*
Pensamin, re kin ideidawehn uhk, re kin ieiang noumw aramas akan.
Kaunen sounpei kan kohdihdo sang Makir,+
Oh irail me kin wa sokon en me kin kihpene aramas akan* kohdihdo sang Sepulon.
15 Kaun akan en Isakar ieiang Depora,
Duwehte Isakar, Parak+ pil iang.
E kohdihla nan wasa patapat en wahwo.*+
Keseu lap en mohngiong wiawi nanpwungen keinek kan en Reupen.
16 Dahme ke mwohdki nanpwungen mehn wisik riau kan,
Oh rongorong ar kesekesengki nair mehn pepeuk ong pelinmen kan?+
Keseu lap en mohngiong wiawihong keinek kan en Reupen.
Aser mwomwohd sohte mwekid ni oaroahro,
Oh e mihmihte limwahn eh wasa kan me sohp kin peidi ie.+
18 Sepulon iei aramas akan me mweidohng ar mour nan keper lao re mehla;
19 Nanmwarki kan kohdo, re mahwen;
Nanmwarkien Kenan kan ahpw mahwen+
Nan Taanak, ni piletik en Mekiddo.+
Re sohte kihsang silper lohdi kan.+
20 Sang nanleng usu kan mahwen;
Sang nan arail elen tangatang re mahweniong Sisera.
I tiakpeseng me kehlail kan.
22 Nehn oahs akan ahpw kumwukumwusek
Ni nah oahs en mahwen kan ar tangatang kohwei.+
23 Tohnleng en Siohwa nda, ‘keriahla Meros,
Ei, keriahla towe kan,
Pwe irail sohte kohdo sewese Siohwa,
En iang me kehlail kan sewese Siohwa.’
24 Sael+ iei lih me keieu pai
En Iper mehn Ken eh pwoud;+
Ih me keieu pai nanpwungen lih akan me kin kousoan nan impwal kan.
25 Sisera peki pihl; liho kihong ih milik.
E kihong ih milik me ten nan lapalahn pwohl kaselel ehu.+
26 Peh koledi metehn katenge impwalo,
Peh palimaun koledi ama toutou ehu.
Oh e pasuredi Sisera, e kamwutepene moange,
Oh e pwalang oh doakoah moangeo pwar apali.+
27 Sisera raukala nanpwungen nehn liho; e pwupwudi oh wonohnte;
E raukala oh pwupwudi nanpwungen neh ko;
Wasa me e raukala ieo, ih wasa me e pwupwudi oh mehla.
28 Lih emen kilikilengla sang ni wenihmwtoko,
Inen Sisera kilikilengiei sang ni perehpen wenihmwtoko,
‘Dahme were kurumao pwand en kohkihdo?
Dahme I sohte kak rongki ngilen were oahs ko?’+
29 Me keieu erpit nanpwungen nah lih lapalap akan pahn sapeng ih;
Ei, e pil pahn pwurehng ndaiong pein ih,
30 ‘Re uhdahn pahn nenehk dipwisou lohdi kan me re diar,
Serepein men,* serepein riemen,* ong sounpei koaros,
Likou mweimwei lohdi ong Sisera, likou mweimwei lohdi,
Likou deiad ehu, likou mweimwei, likou deiad riau
Ong tepinweren sounkul kan.’
31 Maing Siohwa, sapwellimomwi imwintihti kan koaros en sohrala,+
Ahpw irail me poakohng komwi en rasehng dakadahn ketipin nan eh lingan.”