Melkahka kan
Ong sounpihtih keseng; ong ngilen keseng “Kiepw kan.” Mehn kataman ehu. En Asap melkahka.+
80 Maing silepen Israel, komw ketin karongei kiht,
Komwi me kin ketin kaukaweid Sosep rasehng pelin sihpw ehu.+
2 Komw ketin kasalehda sapwellimomwi roson
Mwohn Epraim oh Pensamin oh Manase;+
Komw ketido oh doareikitala.+
3 Maing Koht, komw ketin kasapahlkitodo;+
Komw ketin mweidohng silangomwi en dakerkitada, pwe sen kak pitila.+
4 Maing Siohwa, Koht kaunen karis en sounpei, ia erein omwi pahn engiengki kapakap en sapwellimomwi aramas akan?+
5 Komw kin ketin katungoalehkin irail pilen mas kan duwehte kanarail pilawa,
Oh komw kin ketin kanimpilehkin irail pilen mas kan ni uwe ieu me sohte me kak sohngedi.
6 Komw kin ketin mweidohng mehn mpat kan en akamaikin kiht;
Oh at imwintihti kan kin kepweikengih kiht sang ni nsenarail.+
7 Maing Koht, kaunen karis en sounpei, komw ketin kasapahlkitodo;
Komw ketin mweidohng silangomwi en dakerkitada, pwe sen kak pitila.+
8 Komw ketikihdohsangehr Isip tuhkehn kreip pwoat.+
Komw ketin kasarehsangehr wehi kan oh padokedi tuhkeo.+
9 Komw ketin kamwakelehda wasakis ong tuhkeo,
Oh e kadarala kalewe kan oh parpeseng nan sahpwo.+
10 Nahna kan mihla pahn mweteh,
Oh rah kan pwaindi sidar en Koht kan.
12 Dahme kahrehda komw ketin kauwehkihla kehl takai kan en mwetin kreipo,+
Kahrehda koaros me kin keid limwah kin dolung wah kan?+
13 Pwihk en wel kan kauwelahr tuhkeo,
Oh mahn lawalo en nansapw kan kangalahr.+
14 Maing Koht, kaunen karis en sounpei, komw kupwurkalahngan oh ketin sapahldo.
Komw ketin mahsendihdo sang nanleng oh mahsanih!
Komw ketin apwalih tuhkehn kreip pwoatet,+
15 Rah* me palimaun en nin limomwi ketin padokedi,+
Oh mahsanih seri* me komw ketin kakehlailihada ong pein komwi.+
16 Tuhkeo isihslahr,+ paldier.
Re sohrala sang ni sapwellimomwi peneu.*
17 Komw ketin sewese aramas me mi ni palimaun en nin limomwi,
Nein aramas me komw ketin kakehlailihada ong pein komwi.+
18 Se ahpw sohte pahn sohpeisang komwi.
Komw ketin mweidohng kiht sen momour pwe sen kak likweriong mwaromwi.
19 Maing Siohwa, Koht kaunen karis en sounpei, komw ketin kasapahlkitodo;
Komw ketin mweidohng silangomwi en dakerkitada, pwe sen kak pitila.+