Melkahka kan
Ong sounpihtih keseng; ong ngilen keseng “Mwuroi Nennen Men me Mi Wasa Doh.” En Depit melkahka. Mikdam.* Ni ahnsou me mehn Pilisdia kan koledi ih nan Kahd.+
56 Maing Koht, komw ketin kupwuramwahwih ie, pwehki aramas akan kin peipeiong* ie.
Re kin peipeiong oh kalokaloke ie rahn ehu pwon.
2 Ei imwintihti kan kin ngapwure ie rahn ehu pwon.
Me tohto kin peiong ie ni aklapalap.
3 Ni ei kin masepwehkada,+ I kin likih komwi.+
4 I kin likih Koht, I kin kapinga sapwellime mahsen;
I kin likih Koht, I sohte kin masepwehk.
Dahme aramas kak wiahiong ie?+
5 Rahn ehu pwon, re kin kihong ie nan apwal;
Re kin medemedewehte ren kamedekih ie.+
6 Re kin rukula pwe ren peiong ie;
Re kin tetehk ei kahk koaros,+
Re kin koapworopworki ren kihsang ei mour.+
7 Komw ketin soikirailla pwehki ar wiewia suwed kan.
Maing Koht, komw ketin kaloke wehi kan nan sapwellimomwi engieng.+
8 Komw uhdahn ketin mwahngih ei kahk koaros ni ei kohkohseli.+
Komw ketin paikerehda pilen mesei kat nan sapwellimomwi ehden pihl.*+
Mepwukat sou ntingdier nan sapwellimomwi pwuhk?+
9 Ei imwintihti kan pahn pweiekla ni rahn me I likwer peksawas.+
I kamehlele met: Koht kin ketin uhpalihkin ie.+
10 I kin likih Koht, I kin kapinga sapwellime mahsen;
I kin likih Siohwa, I kin kapinga sapwellime mahsen;
11 I kin likih Koht; I sohte kin masepwehk.+
Dahme aramas kak wiahiong ie?+