Melkahka kan
Ong sounpihtih keseng. En Depit melkahka.
31 Maing Siohwa, I diaradahr wasahn ruk rehmwi.+
Komw dehr ketin mweidohng ie I en namenekla.+
Komw ketin doareiehla pwehki sapwellimomwi pwung.+
2 Komw ketin karonge ie ni keneinei.*
Komw ketin mwadangodo doareiehla.+
Komw ketin wiahla ei wasahn ruk kehlail pohn nahna ehu,
Wasa kelpene kehlail ehu me pahn doare ie.+
3 Pwe komwi me ei paipalap oh ei wasahn ruk kehlail;+
4 Komw pahn ketin kasaledekihiehsang nan uhk me re wiadahng ie ni rir,+
Pwe komwi me ei wasahn ruk kehlail.+
5 I mweidalahr ei mour* nin limomwi.+
Maing Siohwa, Koht en mehlel,* komw ketin pwainiedahr sapahl.+
6 I kailongki irail kan me kin poadidiong dikedik soh katepe kan,
Ahpw ngehi, I kin likih Siohwa.
7 I pahn perenkihda kowahlap sapwellimomwi limpoak loalopwoat,
Pwe komw ketin mahsaniher ei lokolok;+
Komw kin ketin mwahngih ei apwal laud.
8 Komw sohte ketin pangiehla rehn imwintihtio,
Ahpw komw kin ketin kasihnenihiehda nan wasa sohte keper ehu.*
9 Maing Siohwa, komw ketin kupwuramwahwih ie, pwe I milahr nan apwal.
Pwunod kaluwetelahr mesei kat,+ oh pil paliwereiet pwon.+
Solahr angi pwehki ei sapwung;
Tih kat luwetalahr.+
11 Ei imwintihti kan koaros kin kepitkin ie,+
Ahpw mehlel mehn mpei kan.
Oh iengei kan kin masak ie;
Ni ar kin kilang ie nan wehipokon, re kin tangasang ie.+
12 I solahr mi nan ar mohngiong* oh manokonoklahr, likamwete I melahr;
I rasehng sah ohla ehu.
13 I rongehr duwen koasoi suwed tohto;
Masak kin kapiliepene.+
14 Ahpw Maing Siohwa, I kin likih komwi.+
I kin lohki: “Komwi me ei Koht.”+
15 Ei rahn akan* mi nin limomwi.
Komw ketin doareiehsang nan pehn ei imwintihti kan oh sang irail kan me kin kaloke ie.+
16 Komw ketin dakerkihda sapwellimomwi ladu menet silangomwi.+
Komw ketin doarehkiniehla sapwellimomwi limpoak loalopwoat.
17 Maing Siohwa, komw dehr ketin mweidohng ie I en namenekla ni ei likweriong komwi.+
18 Me likamw akan en sohla kak lokaia,+
Irail akan me kin koasoi aklapalapiong oh mwamwahliki me pwung kan.
19 Ia uwen tohtohn sapwellimomwi kamwahu kan!+
Komw ketin nekidalahr ong irail akan me kin lemmwiki komwi,+
Oh komw ketin kasaledahr mwohn aramas koaros, ong irail akan me kin diar wasahn ruk rehmwi.+
20 Komw pahn ketin pere irail sang pilahn mwersuwed en aramas akan+
Nan wasa rir me komw ketiket ie;
Komw pahn ketin karirihirailla nan sapwellimomwi wasahn ruk
21 Kaping en kohwong Siohwa,
Pwe ni ahl kapwuriamwei ehu, e ketin kasalehiong ie sapwellime limpoak loalopwoat+ nan kahnimw ehu me imwintihti kan kapilpene.+
22 Ahpw ngehi, I masepwehkada oh nda:
“I pahn sohrasang mwohn silangomwi.”+
Ahpw komw ketin karongeier ei peksawas ni ei patohwan likweriong komwi.+
23 Kumwail poakohng Siohwa, kumwail koaros me kin loalopwoatohng ih!+