Melkahka kan
En Depit kapakap.
2 Komw ketin sile ei mour* pwe I kin loalopwoat.+
Komw ketin doarehla sapwellimomwi laduet me kin likih komwi,
Pwe komwi me ei Koht.+
4 Komw ketin kaperenihada sapwellimomwi laduet,
Pwe Maing Siohwa, I kin sohpeiong komwi.
5 Pwe Maing Siohwa, komwi me kupwur mwahu+ oh kin ketin onopadahr en mahk;+
Komw kin ketin diren limpoak loalopwoat ong irail koaros me kin likweriong komwi.+
6 Maing Siohwa, komw ketin karonge ei kapakap;
Oh komw ketin karonge ei peksawas kan.+
8 Maing Siohwa, sohte emen me duwei komwi nanpwungen koht akan,+
Sohte emen me wiadahr dahme komw ketin wiadahr.+
9 Maing Siohwa, wehi kan koaros me komw ketin wiadahr
Pahn patohdo oh poaridi mwohn silangomwi,+
Oh re pahn kalinganahda mwaromwi.+
11 Maing Siohwa, komw ketin padahkihong ie sapwellimomwi ahl.+
I pahn weweidki sapwellimomwi mehlel.+
Komw ketin sewese ie I en lemmwiki mwaromwi ni mohngiong unsek.*+
12 Maing Siohwa, ei Koht, I kin patohwan kapinga komwi nan ei mohngiong unsek,+
Oh I pahn kalinganahla mwaromwi kohkohlahte.
13 Pwe sapwellimomwi limpoak loalopwoat ong ie me laud,
14 Maing Koht, aramas aklapalap* kan kin uhwong ie;+
Pwihnen aramas lemei kan kin raparapahki ren kihsang ei mour,
Oh re kin pohnsehsei komwi.+
15 Ahpw Maing Siohwa, komwi Koht emen me kadek kalahngan oh kupwurkalahngan,
Sohte kin mwadang engiengda oh diren limpoak loalopwoat oh lelepek.*+
16 Komw ketin sohpeidohng ie oh kupwuramwahwih ie.+
Komw ketikihong sapwellimomwi laduet sapwellimomwi kehl,+
Oh komw ketin doarehla nein sapwellimomwi lidu serepeino pwutak.
17 Komw ketin kasalehiong ie kilelen* omwi kupwuramwahu,
Pwe irail akan me kin kailongkin ie en kilang oh namenekla.
Pwe Maing Siohwa, komwi me kin ketin sewese ie oh kin ketin kansenamwahwih ie.