Eklesiasdes
1 Mahsen kan en sounkaweido,*+ nein Depit pwutak, nanmwarkien Serusalem.+
2 Sounkaweido mahsanih, “Uhdahn sohte katepe!”*
“Uhdahn sohte katepe! Mehkoaros sohte katepe!”+
3 Ni aramas emen eh kin doadoahk laud pahn ketipin,
Dahme e kak alehdi sang eh doadoahk laud kan koaros?+
5 Ketipin kin dakada,* oh ketipin kin kihrla;
Mwuri e kin mwadang pwuralahng* wasa me e kin pwurehng dakada sang ie.+
6 Kisinieng kin kohla palieir oh pidek kohla paliepeng;
E kin pousehlahte pidipidek oh sohte kin uhdi.
7 Pillap* koaros kin pwilipwillahng nansed, ahpw sehd sohte kin dirala.+
Re kin pwuralahng wasa me re tepisang ie, pwe ren pwurehng pwilipwilwei.+
8 Mehkoaros me kapwang;
Sohte me kak koasoia soahng koaros.
Pwoaren masatail kan sohte kin itarki kilikilang;
Oh salengatail kan sohte kin itarki rongorong.
9 Dahme pweidahr mahs pahn pil pwurehng pweida,
Oh dahme wiawiher pahn pil pwurehng wiawi;
10 Mie mehkot me aramas emen kak nda, “Kilang met—e kapw”?
E mieier sangete mahso;
E mieier mwohn atail ahnsou.
11 Sohte me tamataman aramas en mahs ako;
Oh pil sohte me pahn tamataman irail akan me pahn kohdo mwuhr;
Oh irail akan me pahn kohdo mwurirail pil sohte pahn tamataman irail.+
12 Ngehi sounkaweid, I kin wia nanmwarkien Israel nan Serusalem.+ 13 I piladahr I en doadoahngki ei erpit+ pwe I en sukuhlki mehkoaros me kin wiawi nin sampah.+ I kasawiher doadoahk toutou kan me Koht ketikihong aramas akan ren kin soupisengki.
14 I kilangehr doadoahk koaros me kin wiawi nin sampah,*
Oh kilang! mehkoaros sohte katepe, rasehng pwakipwakih kisinieng.+
15 Ke sohte kak kainenehla dahme pireklahr,
Oh ke sohte kak wadek mehkot me sohte mie.
16 Ngehi eri nda nan ei mohngiong: “Kilang! I alehdier erpit laud, laudsang aramas koaros me momour mwohi nan Serusalem,+ oh ei mohngiong alehdier erpit oh loalokong me inenen laud.”+ 17 I koasoanehdi nan ei mohngiong I en esehla erpit oh esehla iahk oh esehla pweipwei,+ oh met pil rasehng pwakipwakih kisinieng.
18 Diren erpit kin wahdo diren pwunod,
Eri, mehmen me kin kalaudehla loalokong kin kalaudehla medek.+