Melkahka kan
I en kapinga Siohwa nan ei mohngiong unsek.+
2 I pahn kapinga Siohwa erein ei mour.
I pahn koulki koulen kaping kan* ong ei Koht erein ei momour.
5 Meid peren aramas emen me kin wiahki Koht en Seikop sawasepe,+
Me kin koapworopworki Siohwa eh Koht,+
6 Sounwiepen nanleng oh sampah,
Sehd oh audeparail kan koaros,+
Me kin ketin lelepek ahnsou koaros,+
7 Me kin ketin sewese pwuhng en irail kan me aramas pitihedi,
Me kin ketikihong me duhpek kan pilawa.+
Siohwa kin ketin kapitala irail kan me mi nan imweteng.*+
8 Siohwa kin ketin kapehdpeseng mesen me maskun kan;+
Siohwa kin ketin kainenehda irail kan me kin itiekidi;+
Siohwa kin ketin poakohng me pwung kan.
9 Siohwa kin ketin pere mehn liki kan me kin kousoan nan sahpwo;
E kin ketin sewese me sepwoupwou oh liohdi,+
10 Siohwa pahn ketin wia Nanmwarki kohkohlahte,+
Saion, omw Koht pahn ketin wia Nanmwarki sang ehu dih lel ehu dih.
Kapinga Iah!*