Melkahka kan
En Depit melkahka.
138 I pahn patohwan kapinga komwi nan ei mohngiong unsek.+
I pahn koulkihong komwi koulen kaping kan
Mwohn koht teikan.*
2 I pahn poaridiong sapwellimomwi tehnpas sarawio,*+
Oh I pahn kapinga mwaromwi+
Pwehki sapwellimomwi limpoak loalopwoat oh sapwellimomwi lelepek.
Pwe komw ketin wiahiongehr sapwellimomwi mahsen oh mwaromwi en lapalapasang soahng teikan koaros.*
3 Rahn me I patohwan likweriong komwi, komw ketin sapeng ie;+
Komw ketin wiahiongieier I en eimah oh kehlailda.+
4 Maing Siohwa, nanmwarki koaros en sampah pahn kapinga komwi,+
Pwehki re pahn rongehr inou kan me komw ketin mahsanih.
5 Re pahn koulki sapwellimen Siohwa wiewia kan,
Pwe lingan en Siohwa me lapalap.+
6 Mendahki Siohwa eh ketiket wasa ile, e kin ketin tetehk me aktikitik kan,+
7 Mehnda ma I weweid nan keper, komw pahn ketin mweidohng ie I en momour.+
Komw kin ketin kapahla nin limomwi pwehn pelianda en ei imwintihti kan lingeringer;
Palimaun en nin limomwi pahn doareiehla.
8 Siohwa pahn ketin kapwaiada mehkoaros pwehki ngehi.