Nein Seims Kisinlikou
5 Eri, kumwail rong mahs, kumwail me kepwehpwe kan, kumwail sengiseng oh mwahieiki kahpwal kan me kohkodohng kumwail.+ 2 Amwail kepwe kan ohlahr, oh kariskahn* kangalahr amwail likou kan.+ 3 Noumwail kohl oh silper kan merlahr, oh arail mer me pahn wia mehn kadehde me pahn uhwong kumwail oh pahn kangala udukamwail kan. Dahme kumwail kin nekinekid pahn rasehng kisiniei ni imwin rahn akan.+ 4 Kilang! Pweinen doadoahk me kumwail sohte kihong tohndoadoahk kan me kin dolung amwail mwaht akan kin wie weriwer, oh ngilen soundolung kan ar peksawas lelohngehr ni karongen Siohwa,* kaunen karis en sounpei.+ 5 Kumwail kin mour nsenamwahu oh kin momour pwe en kaitarala pein amwail ineng kan nin sampah. Amwail mohngiong kan duwehla mahn mworourou ni rahn en kamakamala.+ 6 Kumwail kadeikadahr oh kemelahr aramas pwungo. E* sou kin peliankumwailda?
7 Eri riei ko, kumwail kanengamah lao Kauno ketier.*+ Kilang! Soumwet men kin kasikasik wahnsahpw kesempwal en sampah, oh kin kanengamah lao lel ni tepin ahnsoun keteu* oh ahnsoun keteu en mwuhr.*+ 8 Kumwail pil kanengamah;+ kakehlakahda amwail mohngiong kan, pwehki ketier* en Kauno kerendohr.+
9 Riei ko, kumwail dehr kaulime* emenemen, pwe kumwail en dehr pakadeikda.+ Kilang! Sounkopwungo kesikesihnen mwohn wenihmwo. 10 Riei ko, kumwail kahlemengih soukohp ako me kin koasoi ni mwaren Siohwa,*+ duwen ar kin lokolongki suwed+ oh kanengamah.+ 11 Kilang! Kitail kin nda me irail kan me kin dadaur kin peren.*+ Kumwail rongehr duwen Sohp eh kin dadaur+ oh pil kilangehr imwila me Siohwa* ketikihong ih,+ pwe Siohwa* me diren limpoak* oh kadek kalahngan.+
12 Riei ko, mwohn mehkoaros, kumwail uhdihsang amwail kin kahukihla mehkot, kumwail dehr kahukihla nanleng de sampah de soangen kahula teikan. Ahpw amwail “Ei” en wehwehki ei, oh amwail “Soh” en wehwehki soh,+ pwe kumwail en dehr pakadeikda.
13 Mie me kin lokolongki kahpwal nanpwungamwail? En kin pousehlahte kapakap.+ Mie me kin pereperen? En kin koulki melkahka kan.+ 14 Mie me soumwahu nanpwungamwail? En ekerodo sounapwalih kan*+ en mwomwohdiso oh ren kapakapki ih, oh keiehki leh+ ni mwaren Siohwa.* 15 Oh kapakap ni pwoson pahn kamwahwihala me soumwahwo,* oh Siohwa* pahn ketin kakehlakahda ih. Oh pil ma e wiahda dihp, e pahn ale mahkpen dipe.
16 Eri, kumwail wehkpene dipamwail kan ni sansal+ oh kapakapki emenemen, pwe kumwail en mwahula. Kapakap ngidingid en aramas pwung men kin manaman.*+ 17 Elaisa aramas emen me ahneki pepehm me duwehte kitail, ahpw ni ahnsou me e kapakap ngidingid pwe keteu en dehr mweredi, keteu ahpw sohla mwerediong pohn sahpwo erein sounpar siluh oh sounpwong weneu.+ 18 Mwuri e pwurehng kapakap, nanleng ahpw kamwerehdi keteu oh sahpwo kapwarehda wah kan.+
19 Riei ko, ma emen kahrehiong emen nanpwungamwail en salongasang me mehlelo ahpw emen tohrohr kapwurehdo ih, 20 kumwail en ese me mehmen me kapwurehdo me dipan men sang eh ahl sapwung+ pahn doarehla ih sang mehla, oh e pahn pwaindi dihp tohto.+