Melkahka kan
Ong sounpihtih keseng. En Depit melkahka.
40 I kin uhdahn koapworopworki Siohwa,*
Oh e ketin karonge ie ni keneinei* oh ketin karonge ei likwer en peksawas.+
2 E ketin pwekiehda sang nan pwoahr ehu me mie ngilen lapake,
Sang nan pwelmatak.
E ketikihdi nehi kat pohn paipalap ehu;
E ketin katengehdi ei kahk kan.
3 E ahpw ketikihong ie koul kapw pwoat,+
Koulen kapinga atail Koht.
Me tohto pahn kilang met oh wauneki
Oh re pahn likihala Siohwa.
4 Meid peren aramas me kin likih Siohwa
Oh sohte kin sohpeiong me kin kahngohdi de irail me likamw akan.
5 Maing Siohwa ei Koht,
Ia uwen tohtohn soahng kan me komw ketin wiadahr,
Sapwellimomwi wiewia kapwuriamwei kan oh sapwellimomwi madamadau kan ong kiht.+
Sohte me duwei komwi;+
Ma I pahn song en lohki oh koasoia mepwukat,
Re uhdahn pahn tohtohsang dahme I kak koasoia!+
6 Komw sohte ketin kupwurki* meirong en mahn akan oh meirong teikan,+
Ahpw komw ketin kawahsekpesenger salengei kat pwe I en rong.+
Komw sohte ketin peki meirong isihs kan oh meirong en dihp kan.+
7 Ngehi eri patohwan: “Maing, I patohdohr.
E ntingdier duwen ngehi nan doaropwe limilimpeneo.*+
9 I kin lohki rohng mwahu en sapwellimomwi pwung nan mwomwohdiso laud.+
Maing Siohwa, nin duwen me komw ketin mwahngih,
I sohte kin nennenla.+
10 I sohte kin ekihla sapwellimomwi pwung nan mohngiongiet.
I kin lohkiseli me komwi me ketin lelepek oh kin ketin komourla sapwellimomwi aramas akan.
I sohte kin ekihla sapwellimomwi limpoak loalopwoat oh omwi kin ketin mehlel nan mwomwohdiso laud.+
11 Maing Siohwa, komw dehr ketin irehdihsang ie sapwellimomwi kadek kalahngan.
Sapwellimomwi limpoak loalopwoat oh omwi kin ketin mehlel en kin pere ie ahnsou koaros.+
12 Kahpwal kan me kin kapiliepene me nohn tohto oh I sohte kak wadekedi.+
Ei sapwung kan me nohn tohto oh I sohte kak kilang wasa me I kohkolahng ie;+
Re tohtohsang pitenmoangei kat,
Oh I nan kapehd tikitiklahr.
13 Maing Siohwa, komw kupwurkalahngan oh ketin doareiehla.+
Maing Siohwa, komw ketin mwadangodo sewese ie.+
14 Irail koaros me kin raparapahki en kihsang ei mour*
En namenekla oh sarohdi.
Irail akan me kin perenkihda ei kahpwal
En pweiekla ni ar namenekla.
15 Irail akan me kin kapailoke ie oh nda: “Ke les!”
Ren pwuriamweila pwehki ar namenekla.
Irail akan me kin poakohng sapwellimomwi wiewiahn komour kan en kin ahnsou koaros patohwan:
“Siohwa en ketin linganla.”+
17 Ahpw sohte sawasepei oh I semwehmwe;
Siohwa en ketin tehk ie.