Melkahka kan
Ong sounpihtih keseng. En Depit melkahka.
41 Meid peren mehmen me kin nsenohki me luwet men;+
Siohwa pahn ketin kapitala ih ni rahnen apwal.
2 Siohwa pahn ketin sinsile ih oh komokomour ih.
Meteikan pahn kilang me e kin peren nin sampah;+
3 Siohwa pahn ketin sewese ih ni eh soumwahu wonohn nan kie;+
Komw pahn ketin apwalih ih erein eh wie sousoumwahu.
4 Pwe I patohwan: “Maing Siohwa, komw ketin kupwuramwahwih ie.+
Komw ketin kamwahwihiehla+ pwe I dipadahr ong komwi.”+
5 Ahpw ei imwintihti kan kin koasoiahkin ie soahng suwed:
“Iahd me e pahn mehla pwe edeo en manokonokla.”
6 Ma emen irail kin kohdo tuhwong ie, e kin likamw.
E kin rapahki mehkot pwehn kamedekeiehla;
Ih eri kin kohieila oh koasoiaseli wasa koaros.
7 Irail koaros me kin kailongkin ie kin mwengininginpene;
Re kin koasoakoasoane mehkot suwed ong ie:
10 Ahpw Maing Siohwa, komw ketin kupwuramwahwih ie oh ketin kamwahwihiehla,
Pwe I en dupukohng irail.
11 I pahn ese me komw kin ketin kupwurperenkin ie sang ni met:
Ni ei imwintihti kan ar sohte kak poweiehdi oh pereperen.+
12 A duwen ngehi, komw kin ketin utung ie pwehki ei loalopwoat;+
Komw pahn ketin kolokol ie mwohn silangomwi kohkohlahte.+
13 Kaping en kohwong Siohwa, Koht en Israel
Kohkohlahte.+
Amen oh Amen.