Melkahka kan
En Depit melkahka.
א [Aleph]
25 Maing Siohwa, I kin sohpeiong komwi.
ב [Beth]
Komw dehr ketin mweidohng imwintihti kan en perenkihda ei lokolok.+
ג [Gimel]
3 Me kin koapworopworkin komwi sohte mwahn pahn namenekla,+
Ahpw me kin widing ni soh kahrepe pahn namenekla.+
ד [Daleth]
4 Maing Siohwa, komw ketin kasalehiong ie sapwellimomwi ahl akan;+
Komw ketin padahkihong ie sapwellimomwi ahl akan.+
ה [He]
5 Komw ketin wiahiong ie I en weweidki sapwellimomwi mehlel oh padahkih ie,+
Pwe komwi me Koht sounkomourpei.
ו [Waw]
I kin koapworopworkin komwi rahn ehu pwon.
ז [Zayin]
6 Maing Siohwa, komw ketin tamanda sapwellimomwi kadek kalahngan oh limpoak loalopwoat,+
ח [Heth]
7 Komw dehr ketin tamataman dipei kan oh ei kauwehla kosonned kan ni ei pwulopwul.
Maing Siohwa, komw ketin tamataman ie pwehki sapwellimomwi limpoak loalopwoat,+
Pwehki sapwellimomwi kupwuramwahu.+
ט [Teth]
8 Siohwa me kupwur mwahu oh pwung.+
Ihme kahrehda e kin ketin kaweidki me dipan akan mwomwen ar pahn mour.+
י [Yod]
9 E pahn ketin kahluwa me opampap ong ni dahme pwung,*+
Oh e pahn ketin padahkihong me opampap kan sapwellime ahl.+
כ [Kaph]
10 Sapwellimen Siohwa ahl akan koaros kin kasalehda sapwellime limpoak loalopwoat oh lelepek
Ong irail kan me kin kapwaiada sapwellime inou lap+ oh mehn kataman kan.+
ל [Lamed]
11 Maing Siohwa, pwehki mwaromwi,+
Komw ketin mahkikihong ie ei sapwung, mendahki ei sapwung me laud.
מ [Mem]
12 Ihs me kin lemmwiki Siohwa?+
E pahn ketin padahkihong ih ahl me e pahn pilada.+
נ [Nun]
ס [Samekh]
14 Irail me kin lemmwiki ih kin ahneki nanpwungmwahu keren rehn Siohwa,+
Oh e kin ketin padahkihong irail duwen sapwellime inou lap.+
ע [Ayin]
15 Pwoaren mesei kat kin ahnsou koaros kilikilengwohng Siohwa,+
Pwe e pahn ketin sapwadasang patehn nehi kat nan uhko.+
פ [Pe]
16 Komw ketin sohpeidohng ie oh kupwuramwahwih ie,
Pwe I kelekelehpw oh sohte sawasepei.
צ [Tsade]
17 Apwal akan nan ei mohngiong tohtohla;+
Komw ketin kamaiauwihiehda sang nan ei pwunod.
ר [Resh]
19 Komw ketin mahsanih uwen ngeder en ei imwintihti kan
Oh uwen laud en ar kin kailongkin ie.
ש [Shin]
20 Komw ketin sinsile ei mour oh doareiehla.+
Komw dehr ketin mweidohng ie I en namenekla, pwe I diaradahr wasahn ruk rehmwi.
ת [Taw]
22 Maing Koht, komw ketin doarehla* Israel sang nan eh apwal akan koaros.