Melkahka kan
Ong sounpihtih keseng. En Depit melkahka.
139 Maing Siohwa, komw ketin kasawihieier ni keneinei, oh komw kin ketin mwahngih ie.+
2 Komw kin ketin mwahngih ni ei kin mwohndi oh ni ei kin uhda.+
Komw kin ketin mwahngih ei lamalam akan sang wasa doh.+
3 Komw kin ketin mahsanih* ie ni ei kin seiloak oh ni ei kin wendi;
Komw kin ketin mwahngih ei wiewia kan koaros.+
5 Komw kin ketin kapiliepene ni pali koaros;
Oh komw kin ketikihdi nin limomwi pohi.
6 Soangen loalokong wet siksang dahme I dehdehki.*
E me nohn ileile ong ie I en alehdi.*+
7 Ia wasa I kak patohla ie pwe I en pitsang sapwellimomwi ngehn sarawi,*
Oh ia wasa I kak tangala ie pwe I en ruksang silangomwi?+
8 Ma I pahn patohdahla nanleng, komwi pahn ketiket wasao,
Oh ma I pahn wiahda dewei nan Sousou,* komw pil pahn ketiket wasao.+
9 Ma I pahn pihrla palio mesenleng duwehte marain en nin sohrahn eh kin mwadang pwarada
Pwe I en kousoanla wasa me keieu doh nansedo,
10 Limomwi pahn pil kin kahluwa ie wasao
Oh palimaun en nin limomwi pahn kin utung ie.+
11 Ma I nda: “Rotorot uhdahn pahn karukeiehla!”
Eri rotorot en nipwong me kapiliepene pahn marainla.
12 Oh pil rotorot sohte pahn nohn rotorot ong komwi,
Ahpw nipwong kin marain duwehte nin rahn;+
Rotorot oh marain kin duwepenehte rehmwi.+
14 I kin kapinga komwi pwehki ei wiawihda ni ahl kapwuriamwei.+
Sapwellimomwi wiewia kan me inenen kaselel,+
I uhdahn ese met.
16 Silangomwi mahsanihieier mwohn ei ipwidi;
Kisehn paliwerei kat koaros ntingdi nan sapwellimomwi pwuhk
Me pid rahn akan me mepwukat wiawihda,
Mwohn ehu rehn mepwukat ar miehla.
17 Eri, ong ie, ia uwen kesempwal en sapwellimomwi madamadau kan!+
Maing Koht, ia uwen tohtohn mepwukat!+
18 Ma I song en wadekedi mepwukat, re pahn tohtohsang pihk kan.+
Ni ei pirida, I kin patohwan ieiang komwihte.*+
19 Maing Koht, ma komw ketin kemehlahte aramas suwed kan!+
Eri aramas lemei kan* pahn kohkohlahsang ie,
20 Irail akan me kin nsenki koasoia soahng suwed kan duwen komwi;*
Irail wia sapwellimomwi imwintihti me kin doadoahngki mwaromwi ni ahl soh katepe.+
21 Maing Siohwa, I sou kin kailongki irail akan me kin kailongkin komwi,+
Oh sautki irail akan me kin uhwong komwi?+
22 I kin kailongkin irail mehlel;+
Irail uhdahn wiahla ei imwintihti.
23 Maing Koht, komw ketin kasawih ie ni keneinei, oh mwahngih ei mohngiong.+
Komw ketin kasawih ie, oh mwahngih ei pwunod akan.+