Aiseia

E sohte mwomwen lingan de pil kaselel;+

Oh ni at kin kilang ih, mwomwe sohte kin kahrehiong kiht sen keila reh.*

 3 Aramas akan mwamwahliki oh soikala ih,+

Aramas emen me esehla* medek oh ahnla soumwahu.

 4 E mehlel me pein ih kin weuwa at soumwahu kan,+

Oh e weuwa at medek kan.+

 5 Ahpw e dokdi+ pwehki dipat kan;+

E mwutpene pwehki at sapwung kan.+

E weuwa kalokolok pwehki at popohl,+

Oh pwehki eh ohla kan se mwahula.+

 6 Kiht koaros kohkohseli rasehng sihpw kan,+

Emenemen pein kekeid nan eh ahl,

Oh Siohwa ketin kahrehiong sapwung me kiht koaros wiahda en lelohng ih.+

 7 E kalokolok+ oh e mweidala pein ih en lokolok,+

Ahpw e sohte kin kihpeseng ewe.

E wisikdo rasehng sihpw men pwehn kamakamala,+

Rasehng sihpw lih men me sohte kin mweseisei mwohn sounsehk wunen sihpw kan,

Oh e sohte kin kihpeseng ewe.+

 8 Pwehki kopwung sapahrek,* e wisiksang;

Oh ihs me pahn nsenohki duwen oaritikpen eh dih?*

Pwe e kamakamala sang nan sapwen me momour kan;+

Pwehki dipen nei aramas akan, e wowoki.*+

 9 Oh e alehdi wasahn seridi ehu* rehn me suwed,+

Oh seridi rehn me kepwehpwe* ni eh mehla,+

Mendahki e sohte wiahda sapwung ehu*

Oh sohte widing ehu kohsang nan ewe.+

Ma komw pahn ketikihda eh mour* nin duwen meirong en tomwki dihp,+

E pahn kilang kadaudoke oh e pahn mour werei,+

Oh pwehki ih, kupwuren* Siohwa pahn pweida.+

Pwehki eh loalokong, me pwung men, nei ladu,+

Pahn sewese aramas tohto pwe ren pwungla,+

Oh e pahn weuwa arail sapwung kan.+

12 Ong kahrepe wet I pahn koasoanediong ih pwais ehu nanpwungen me tohto,

Oh e pahn nehkpeseng dipwisou lohdi rehn me kehlail kan,

Pwehki e mweidala* eh mour* lao lel mehla+

Oh iang wadawadohng rehn me dipan akan;+

E weuwa dipen aramas tohto,+

Oh e peki mahkpen me dipan akan.+