Melkahka kan
33 Kumwail me pwung kan, kumwail weriwerki peren pwehki Siohwa.+
E konehng me pwung kan en kapinga ih.
2 Kumwail kapingkalahngankihong Siohwa noumwail arp kan;
Kumwail koulkihong ih koulen kaping kan sang* noumwail mehn keseng sahl eisek kan.
3 Kumwail koulkihong ih apwoat koul kapwen;+
Kesengki arp kan ni uwen amwail kak oh weriwerki peren.
4 Pwe mahsen en Siohwa me pwung,+
Oh mehkoaros me e kin ketin wia kin likilik.
5 E kin ketin poakohng pwung oh pwung pahrek.+
Sampah kin direkihla sapwellimen Siohwa limpoak loalopwoat.+
7 E ketikipene pilen madau kan duwehte kelen pihl;+
E ketikilahng ilok en sehd kan nan imwen nahk kan.
8 Tohnsampah pwon en lemmwiki Siohwa.+
Tohn sahpwo en lemmwiki ih.
11 Ahpw sapwellimen Siohwa pilipil kan* pahn mihmi kohkohlahte;+
Kupwure kan kin duweduwehte sang ehu dih lel ehu dih.
13 Siohwa kin ketin mahsendihdo sang nanleng;
E kin ketin mahsanih aramas koaros.+
14 Sang wasa e kin ketiket ie,
E kin ketin ireirong tohnsampah kan.
15 Ih me kin ketin wiahda mohngiong en aramas koaros;
E kin ketin kasawih arail wiewia kan koaros.+
16 En naineki karis en sounpei laud ehu sohte wehwehki me nanmwarki men pahn pitila;+
En kin uhdahn kehlail sohte wehwehki me aramas kehlail men pahn pitila.+
17 Ke dehr likih me oahs pahn kapituhkala, e pahn pitihiukedi;+
Eh kehl laud sohte pahn kak doareiukala.
18 Kilang! Silangin Siohwa kin ketin mwasamwasahn irail kan me kin lemmwiki ih,+
Irail me kin awiawih sapwellime limpoak loalopwoat,
19 Pwe en ketin doareirailla sang mehla
Oh komokomour irail erein lehk lapalap.+
20 Kitail kin awiawih Siohwa.
Ih me sawaspatail oh atail mehn sansar.+
21 Mohngiongitail kin pereperen pwehki ih,
Pwe kitail kin likih mware sarawio.+