Melkahka kan
118 Kumwail kapingkalahngan ong Siohwa, pwehki ih me kupwur mwahu;+
Sapwellime limpoak loalopwoat me poatopoat.
2 Israel en patohwan:
“Sapwellime limpoak loalopwoat me poatopoat.”
3 Irail kadaudok en Aaron kan en patohwan:
“Sapwellime limpoak loalopwoat me poatopoat.”
4 Irail kan me kin lemmwiki Siohwa en patohwan:
“Sapwellime limpoak loalopwoat me poatopoat.”
6 Siohwa kin ketin ieiang ie; I sohte pahn masak.+
Dahme aramas kak wiahiong ie?+
8 En diar wasahn ruk rehn Siohwa
Kin mwahusang likih aramas.+
9 En diar wasahn ruk rehn Siohwa
Kin mwahusang likih lapalap akan.+
11 Re kapiliepenehr, ei, re kapiliepene douluhl,
Ahpw ni mwaren Siohwa,
I pwakihasang irail.
12 Re kapiliepene rasehng loangalap kan,
Ahpw re mwadangete sohrala duwehte kisiniei eh kin isikala tuhke tekatek kan.
Ni mwaren Siohwa,
I pwakihasang irail.+
13 Irail siken ie kehlail* pwe I en pwupwudi,
Ahpw Siohwa ketin seweseiehda.
14 Iah iei ei wasahn ruk oh ei kehl,
Oh e ketin wialahr sounkomourpei.+
15 Ngilen peren oh komour*
Kin mi nan impwal en me pwung.
Palimaun en nin limen Siohwa kin kasalehda eh manaman.+
16 Palimaun en nin limen Siohwa kin kawauwihala nin lime;
Palimaun en nin limen Siohwa kin kasalehda eh manaman.+
17 I sohte pahn mehla, soh, I pahn momourte,
Pwe I en kalohki sapwellimen Iah doadoahk kan.+
19 Kumwail ritingadahng ie ewen kehl ong me pwung kan;+
I pahn pedolong oh kapinga Iah.
20 Ih ewen kelen tehnpesen Siohwa met.
Me pwung kan pahn pedolong ni ewen kehlo.+
21 I pahn patohwan kapinga komwi, pwehki omwi ketin sapeng ie+
Oh komw ketin wialahr komourpei.
24 Ih rahno met me Siohwa ketin koasoanedier;
Kitail pahn nsenamwahu oh pereperenki rahno.
25 Maing Siohwa, se peki komwi en kupwurkalahngan oh doareikitala!
Maing Siohwa, komw kupwurkalahngan oh sewese kiht pwe sen kana!
26 Meid pai me ketido ni mwaren Siohwa;+
Se kapaia kumwail sang ni tehnpesen Siohwa.
27 Siohwa iei Koht;
E kin ketikihong kitail marain.+
28 Komwi me ei Koht, oh I pahn kapinga komwi;
Maing ei Koht, I pahn kawauwih komwi.+