Melkahka kan
En Depit melkahka. Maskil.*
32 Meid peren aramas me ale mahkpen eh kauwehla kosonned, me dipe kan pweipweila.*+
2 Meid peren aramas me Siohwa sohte kin ketin kapwukoahki dipe,+
Me sohte kin ahneki madamadau* widing kan.
3 Ni ei kin nennenla, tih kat kin luwetala, pwehki ei kin ingihngtik rahn ehu pwon.+
4 Pwe nin limomwi* kin wie toutou pohi nin rahn oh nipwong.+
Ei kehl madada* rasehng pihl nan ahng en ahnsoun karakar. (Selah)
5 Eri I wehkadahng komwi dipei kan;
I sohte ekihla ei sapwung kan.+
I patohwan: “I pahn wehkadahng Siohwa ei kauwehla kosonned kan.”+
Oh komwi ahpw ketin mahkikihong ie ei sapwung oh dipei kan. (Selah)+
Eri, lapake kan sohte pahn lellahng irail.
7 Komwi me ei wasahn ruk;
Komw pahn ketin sileiehsang kahpwal.+
Komw pahn ketin kapilkiniepene weriwer en peren kan ni omw ketin kapitiehla.+ (Selah)
8 “I pahn kihong uhk dehde mwahu oh padahkihong uhk ahl me ke pahn weid ie.+
I pahn kihong uhk kaweid ni ei kin kilikilang uhk.+
9 Ke dehr duwehla oahs men de dongki men me sohte wehwehki mehkot,+
Me lawalo oh anahne mete oh sahl en kohieng ni ewe
Mwohn eh pahn kohdo limwahmw.”
10 Me suwed kin ahneki medek tohto;
Ahpw sapwellimen Siohwa limpoak loalopwoat kin kapilpene aramas me kin likih ih.+
11 Kumwail me pwung kan, kumwail nsenamwahu pwehki Siohwa oh wie pereperen;
Kumwail koaros me ahneki mohngiong pwung, kumwail werikihda peren.