Dahme Kitail Kak Sukuhlkihsang Mahsen en Koht?

Paipel kin audaudki mahsen en Koht ong kitail rahnwet. E kin kasalehiong kitail ia duwen atail kak mourki mour me pahn kak pweida oh ia duwen atail kak pwungla rehn Koht. E pil sapengala peidek pwukat me irekidi pah:

1 Ihs Koht?
2 Ia duwen omw kak sukuhlki duwen Koht?
3 Ihs me ntingihada Paipel?
4 Paipel pwungohng palien sains?
5 Ia uhdahn rohng me Paipel kasalehda?
6 Dahme Paipel kohpada duwen Mesaia?
7 Dahme Paipel kohpada duwen atail ahnsou?
8 Ia duwe, Koht me pwukoahki lokolok en aramas?
9 Dahme kahrehda aramas kin lokolok?
10 Dahme Paipel inoukihda duwen ahnsou kohkohdo?
11 Dahme kin wiawi ni emen eh kin mehla?
12 Soangen koapworopwor dahieu kitail kak ahneki ong me melahr akan?
13 Dahme Paipel mahsanihki duwen doadoahk?
14 Ia duwen omw kak wiahda koasoandi mwahu me pid omw pai kan?
15 Ia duwen omw kak diar nsenamwahu?
16 Ia duwen omw kak powehdi omw pwunod kan?
17 Ia duwen Paipel eh kak sewese omw peneinei?
18 Ia duwen omw kak karanihala Koht?
19 Dahme pwuhk kan nan Paipel kin audaudki?
20 Ia duwen omw kak keieu paiekihda omw wadawad en Paipel?

IA DUWEN OMW KAK DIARADA IREN PAIPEL KAN

Paipel kohpene wiahda kisin pwuhk 66. E kohpeseng ni pali riau: Paipel ni Lokaiahn Ipru-Aramaik (“Kadehde Mering”) oh ni Lokaiahn Krihk (“Kadehde Kapw”). Ehuehu pwuhk en Paipel kan kohpeseng ni irelaud kan oh iretikitik kan. Ahnsou me iren Paipel kan pwarada de kileldi, keieun nempe mwurin eden pwuhken Paipel kin kasalehda irelaudo, oh nempe de nempehn mwuri kan kin wehwehki iretikitik de iretikitik kan. Karasepe, Senesis 1:1 kin wehwehki Senesis irelaud 1, iretikitik 1.