Tihnsewen pwuhk
PENEINEI iei koasoandi en aramas me keieu werei, ahpw rahnwet e mi nan kahpwal. Pwehki tohtohlahn me pwulopwul kan me kin doadoahngki wini en kasahliel, laudlahn tiahk samin, tohtohlahn mweipeseng oh tiahk lemei nan peneinei, pahpa de nohno me kelehpw nan peneinei oh pil kahpwal laud teikan, ekei aramas kin peikasalki ma koasoandi en peneinei pahn kak mihmihte.
Ia duwe, peneinei kak wia wasa me tohnpeneinei kin ale epwel mwahu, ale kangoang oh perepersang kahpwal? Ei, ma tohnpeneinei kin esehla sawas akan me uhdahn mwahu ong nsenamwahu en peneinei. Sawas pwukat sohte kin ekiekla. E sansal me erein sounpar kid kei, aramas me kin doadoahngki sawas pwukat kin pweida mwahu. Ia sawas kan? Pwuhk wet, Sawas ong Nsenamwahu en Peneinei, kin kihda pasapeng. E pil kin kihda karasepe mwahu kan me kin kasalehda ia duwen “sawas” pwukat ar kak kamwahwihala kahpwal tohto nan peneinei. Mie emen me sohte anahne soangen sawas pwukat rahnwet?